საფერავის მამულები არის ჰოლდინგი, რომელშიც შემავალი კომპანიებია:

· ქორწილების და ივენთების შატო - „Chateau de Soleil”, კახეთი, ყვარელი

· რესტორანი „ხინკლის აკადემია“ - თბილისი, გურმან აკადემია

· ელიტარული ღვინის მარანი - „Saperavi Estate” - კახეთი, ყვარელი

კომპანიის სათაო ოფისი განთავსებულია თბილისში

საფერავის მამულების შატო აშენდა საქართველოს ისტორიულ ღვინის რეგიონში, კახეთში მე-17 საუკუნეში. მის მიწებზე მოშენდა საფერავი და რქაწითელი. ქართული ტრადიციული ქვევრის ტექნოლოგიის მეშვეობით დაიწყო პრემიუმ ხარისხის ქვევრის ღვინის წარმოება. საფერავის მამულები ღვინოს აწვდიდა სამეფო კარზე მეფე ერეკლე მეორეს.

საფერავის მამულები ცნობილი იყო სამეფო ღონისძიებების ორგანიზებით. შატოში ტარდებოდა სამეფო კარის თავადთა და აზნაურთა ქორწილები, რაინდთა ბანკეტები, აღინიშნებოდა მტერზე გამარჯვებები. საფერავის მამულები იყო საქართველოში ქორწილებისთვის ძალიან პრესტიჟული და პოპულარული ადგილი მე-19 საუკუნეში.

ჩვენ აღვადგინეთ შატოს პირველადი სახე, ვიწყებთ ქორწილების და ღონისძიებების გამართვას ისტორიულ მიწებზე. დღეისათვის საფერავის მამულები ღვინოს აწარმოებს მხოლოდ ისტორიული ხელნაწერების მიხედვით. ღვინის მიღება ხდება მხოლოდ ქვევრების მეშვეობით. საფერავის მამულები აგრძელებს იუნესკოს მიერ აღიარებული, ქართული ღვინის წარმოების 8000 წლიან ისტორიას.