Trump Tower Tbilisi წარმოადგენს მასშტაბურ პროექტს, რომელიც Archi Group-სა და Biograpi Living-ის სტრატეგიული პარტნიორობის ფარგლებში ხორციელდება. პროექტი არქიტექტურულად გამორჩეულ ექვს შენობას მოიცავს, რომელთა შორის ინტეგრირებული იქნება საერთაშორისოდ აღიარებული ბრენდირებული საცხოვრებელი რეზიდენციები. პროექტი მოიცავს:

• დედაქალაქის ყველაზე მაღალ და გამორჩეულ არქიტექტურულ ნაგებობას;
• პრემიუმ კლასის ბიზნესცენტრს;
• ლუქს-კლასის სავაჭრო სივრცეებს;
• ლუქს-კლასის ბრენდულ სასტუმროს;
• უმაღლესი დონის რესტორნებსა და პრემიუმ გასართობ სივრცეებს;

Trump Tower Tbilisi-ის პროექტისათვის ვეძებთ პროექტის მენეჯერს და მისი ძირითადი ფუნქიციები იქნება:

• პროექტის სრული ციკლის მართვა (დაგეგმვა, განხორციელება, მონიტორინგი, დასრულება) დადგენილ ვადებში, ბიუჯეტსა და ხარისხობრივ სტანდარტებთან შესაბამისობაში;
• პროექტების განვითარების ყველა ეტაპზე, ჩართული სტრუქტურების (როგორც კომპანიის შიგნით, ასევე გარე კონტრაქტორებისა და ქვეკონტრაქტორების) კოორდინირებული მუშაობის უზრუნველყოფა;
• პროექტის გეგმის, გრაფიკისა და ბიუჯეტის შემუშავება, მონიტორინგი;
• ეფექტური კოორდინაცია პროექტში ჩართულ მხარეებთან: სასტუმროს ბრენდი/ოპერატორი, დამკვეთი, არქიტექტორები, დიზაინერები, ინჟინრები, კონტრაქტორები, ადგილობრივი და საერთაშორისო კონსულტანტები;
• ბრენდის (სასტუმროს ოპერატორის) მოთხოვნებისა და სტანდარტების ინტეგრირება პროექტში;
• ტექნიკური და სამშენებლო დოკუმენტაციის რევიზია;
• პროექტის ძირითადი რისკების იდენტიფიცირება, ანალიზი, რეაგირება და მართვა;
• კონტრაქტორებისა და კონსულტანტების შერჩევის პროცესში მონაწილეობა;
• სატენდერო წინადადების მომზადება, განხილვა, მოლაპარაკებები და კონტრაქტორებთან შეთანხმება;
• კონტრაქტების მართვა, ცვლილებების კონტროლი;
• შესაბამის უწყებებთან სანებართვო და სალიცენზიო პროცედურების კოორდინირება;
• პროექტის დოკუმენტაციისა და ანგარიშგების წარმოება (მათ შორის სტატუს-რეპორტები მენეჯმენტისთვის და დამკვეთებისთვის);
• რეგულარული საიტ-ვიზიტები და სამუშაოების წარმოების მონიტორინგი.

საკვალიფიკაციო მოთხოვნები:

• უმაღლესი განათლება სამშენებლო, საინჟინრო ან მსგავსი მიმართულებით;
• აუცილებელია კომპლექსურ პროექტებზე მუშაობის სულ მცირე 5 წლიანი გამოცდილება;
• აუცილებელია სასტუმროს განვითარების პროექტებზე მუშაობის სულ მცირე 3 წლიანი გამოცდილება;
• სასურველია პრემიუმ კლასის ან საერთაშორისო დეველოპერულ პროექტებზე მუშაობის გამოცდილება;
• ინგლისური ენის მაღალ დონეზე ცოდნა;
• MS Excel და MS Project პროგრამებში მუშაობის ცოდნა.

თუ დაგაინტერესა ჩვენმა ვაკანსიამ და გაქვს შესაბამისი გამოცდილება, მაშინ ველით შენს CV-ს, რომელიც შეგიძლია ატვირთო მითითებულ ბმულზე 2026 წლის 10 ივლისის ჩათვლით: https://crm.archi.ge/crm/deal/web_form/vacancy.php

დაკავშირება მოხდება მხოლოდ შერჩეულ კანდიდატებთან.
გთხოვთ, გაითვალისწინოთ, თქვენი რეზიუმე მომდევნო ექვსი თვის განმავლობაში შეინახება კომპანიის მონაცემთა ბაზაში. ამასთანავე, თქვენი კანდიდატურა შესაძლებელია განხილულ იქნას სხვა, მსგავს პოზიციაზე ვაკანსიის არსებობის შემთხვევაში.