This announcement is available only in Georgian Language, please see the text below (You can also switch the site Language from header language switcher)

ევროპროდუქტი 2004 წლიდან ოპერირებს ქართულ ბაზარზე და წამყვანი ევროპული ბრენდების ერთ-ერთი მსხვილი იმპორტიორია. კომპანიის პორტფოლიოში წარმოდგენილია 150-მდე ექსკლუზიური საერთაშორისო ბრენდი, მათ შორის: Valio, Frico, Elpozo, Ritter Sport, Bottega, Dardanel, Beretta, Zucchi, Granarolo, Piccini და სხვა. ევროპროდუქტი წარმოდგენილია 42 ბრენდული მარკეტით თბილისსა და რეგიონებში.

დეტალური ინფორმაციისთვის ეწვიეთ ვებგვერდს: http://www.europroduct.ge

შპს „ევროპროდუქტი“ აცხადებს ვაკანსიას სურსათის ეტიკეტირების სპეციალისტის პოზიციაზე.

სამუშაო გრაფიკი: ორშაბათი-პარასკევი (09:30-დან 18:00-მდე);

სამუშაო ადგილი: ქ. თბილისი, ავჭალა, გაგრის ქ. #2

რას გთავაზობთ:

• შრომის ანაზღაურება (ფიქსირებული ხელფასი);
• კომფორტულ სამუშაო გარემოს;
• საუკეთესო ჯანმრთელობის დაზღვევის პაკეტს;
• კარიერული ზრდის შესაძლებლობას;

რისი გაკეთება მოგიწევთ:

• სურსათის უვნებლობისა და ხარისხის კონტროლის უზრუნველყოფა;
• პროდუქციის ეტიკეტის შექმნა და ეტიკეტირების უზრუნველყოფა;
• საქართველოს კანონმდებლობით განსაზღვრული სურსათის უვნებლობის დოკუმენტაციის მომზადება/წარმოებაში მონაწილეობის მიღება;
• ხარისხისა და სურსათის უვნებლობის მენეჯმენტის სისტემის ფარგლებში წარმოებული ჩანაწერების კონტროლი;
• პროდუქციის ანოტაციის თარგმნა, მომზადება დასაბეჭდად და ბეჭდვა;
• სადერატიზაციო და სადეზინფექციო დოკუმენტაციის მომზადება, მოგროვება და კონტროლი;
• შემომავალი და გამავალი კორესპონდენციის მართვა;
• საჭიროების შემთხვევაში კომპანიაში შემოსულ სატელეფონო ზარებზე პასუხის გაცემა, გადამისამართება;
• საჭიროების შემთხვევაში საოფისე მასალებისა და ინვენტარის შეძენა/ მონიტორინგი;
• კომპეტენციის ფარგლებში ხელმძღვანელის მიერ გაცემული მითითებების შესრულება;

საქმის შესასრულებლად საჭირო კვალიფიკაცია და უნარები:

• მინიმუმ 1 წლიანი სამუშაო გამოცდილება ანალოგიურ პოზიციაზე;
• ინსპექტირებისა და აუდიტის ჩატარების ტექნიკის ცოდნა;
• საქართველოს კანონმდებლობის და საერთაშორისო სტანდარტების - #301 დადგენილებისა და HACCP -ის კოდექსის ცოდნას;
• უპირატესობა მიენიჭება კანდიდატს სასურსათო ტექნოლოგიების, კვება და საზოგადოებრივი ჯანდაცვის მიმართულებით განათლებით;
• დაგეგმვისა და მართვის უნარი;
• ორგანიზებულობა;
• გუნდური მუშაობის უნარი;
• კონფიდენციალობა, მოწესრიგებულობა და პუნქტუალობა;
• ინტერაქციისა და კომუნიკაციის უნარი;
• პრეზენტაციის უნარი.

დაინტერესებულმა პირებმა გამოგვიგზავნეთ CV შემდეგ მისამართზე: vacancy@europroduct.ge. გთხოვთ, მიუთითეთ სასურველი თანამდებობა ”სურსათის ეტიკეტირების სპეციალისტი“, წინააღმდეგ შემთხვევაში განაცხადი არ განიხილება.

თქვენს მიერ გამოგზავნილი რეზიუმე, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლოა შეიცავდეს პერსონალურ მონაცემებს. გაცნობებთ, რომ თქვენს მიერ გამოგზავნილი პერსონალური მონაცემები „ევროპროდუქტი“-ს მხრიდან დამუშავდება თქვენთან სახელშეკრულებო, მათ შორის შრომითი ურთიერთობის დამყარების შესახებ გადაწყვეტილების მიღების მიზნებისთვის.

ასევე, თქვენს მიერ გამოგზავნილი რეზიუმე შესაძლოა არ იქნას განხილული მიმდინარე ვაკანსიაზე ვაკანსიის მოთხოვნებიდან გამომდინარე, ან დარეზერვებული იქნას სხვა შესაფერის ვაკანსიაზე. რეზიუმეს გამოგზავნით თქვენ ავტომატურად ეთანხმებით ზემოთ აღნიშნულ პირობებს.

„ევროპროდუქტი“ თანამშრომელთა შერჩევის პროცესს ახორციელებს საქართველოს კანონმდებლობის თანახმად, პირთა მიმართ თანაბარი მოპყრობის პრინციპების დაცვით და გამორიცხავს მათ მიმართ დისკრიმინაციას ნებისმიერი ნიშნით.

გისურვებთ წარმატებას!