ჰაიდელბერგცემენტ ჯგუფი მსოფლიოს მასშტაბით სამშენებლო მასალების ერთ-ერთი უმსხვილესი მწარმოებელია, რომელსაც მოწინავე პოზიცია უკავია ინერტული მასალების, ცემენტის და ბეტონის წარმოების საერთაშორისო ბაზარზე. კომპანიის კუთვნილ 3000 საწარმოში, რომლებიც მსოფლიოს 50 ქვეყანაშია განთავსებული, 53000 თანამშრომელია დასაქმებული.
2006 წლის ბოლოს ჰაიდელბერგცემენტმა განახორციელა პირველი ინვესტიცია კავკასიის რეგიონში, შეიძინა რა აქციები საქართველოში ცემენტის წარმოების წამყვან კომპანიებში (შპს "საქცემენტის" რუსთავისა და კასპის ცემენტის ქარხნები, შპს "ქართული ცემენტი"). „ჰაიდელბერგცემენტ ჯორჯია“ ჰაიდელბერგცემენტის საერთაშორისო ჯგუფის შვილობილი კომპანიაა, რომელიც ამჟამად ახორციელებს ცემენტისა და ბეტონის წარმოებას. იგი ფლობს 2 ცემენტის, 3 აგრეგატის, 15 ბეტონის მწარმოებელ ქარხანასა და 2 ტერმინალს ქვეყნის ტერიტორიაზე. კომპანიას უკავია წამყვანი პოზიციები ადგილობრივ ბაზარზე ცემენტისა და ბეტონის წარმოების დარგში.
შპს „ჰაიდელბერგცემენტ ჯორჯია“ აცხადებს ვაკანსიას დამგეგმარებელის პოზიციაზე.
ლოკაცია: ქ. კასპი
სამუშაო გრაფიკი: სრული, კვირაში 5 დღე (დასვენების დღეები: შაბათი და კვირა)
ძირითადი ფუნქცია-მოვალეობები:
- ტექნიკური უზრუნველყოფის დეპარტამენტის ძირითადი სამუშაოების დაგეგმვაში მონაწილეობის მიღება.
- წლიური, ყოველთვიური და ყოველ კვირეული სამუშაოების დაგეგმვაში მონაწილეობის მიღება.
- სარემონტო სამუშაოებისა და დავალების შესახებ ინფორმაციის შეყვანა SAP პროგრამაში.
- სარემონტო სამუშაოების ყოველდღიურ შემაჯამებელ განხილვაში მონაწილეობის მიღება და შესაბამისი ოქმების წარმოება.
- მასალების შესაძენად შემოსული შემოთავაზებების დამუშავება და ბაზაში დამატებისთვის დოკუმენტის მომზადება.
- კონტრაქტორების მიღება ჩაბარების აქტების მომზადება.
- კრიტიკული მარაგების და სახარჯი მასალების შეკვეთა, შეკვეთილი მასალების მონიტორინგი.
- რეგლამენტის გათვალისწინებული სასაწყობე მარაგების ინვენტარიზაცია და საბოლოო ანალიზი.
- კომპანიის სამუშაო ტერიტორიაზე არსებული და მოქმედი შრომის უსაფრთხოების წესებსა და რეგულაციების დაცვა.
საკვალიფიკაციო მოთხოვნები და უნარ-ჩვევები:
- ადმინისტრაციულ პოზიციაზე მუშაობის გამოცდილება
- სასურველია SAP პროგრამასთან მუშაობის გამოცდილება
- უმაღლესი განათლება
- MS Office ცოდნა
- ინგლისური ენის ცოდნა
- დეტალებზე ორიენტირებულობა
- საქმიანობის ორგანიზების, დაგეგმვის უნარი
კომპანია გთავაზობთ:
- ცოდნის მიღებისა და განვითარების შესაძლებლობებს პროფესიონალთა გუნდთან ერთად.
- კომპანიის სხვა ბენეფიტებს: ჯანმრთელობის დაზღვევას საუკეთესო პირობებით, კვებისა და ტრანსპორტირების ანაზღაურებას.
დაინტერესების შემთხვევაში, გთხოვთ, მოგვაწოდოთ თქვენი რეზიუმე ელ.მისამართზე: vacancy@heidelbergcement.ge (ასევე, შეგიძლიათ შეავსოთ და გამოგვიგზავნოთ თანდართული სააპლიკაციო ფორმა). გთხოვთ, სათაურის ველში მიუთითეთ პოზიციის დასახელება - დამგეგმარებელი (კასპი)
გისურვებთ წარმატებას!
თქვენი პერსონალური მონაცემები, რომლებიც შპს "ჰაიდელბერგცემენტ ჯორჯია"-სთვის ხელმისაწვდომი გახდა გამოცხადებულ ვაკანსიაზე განაცხადების განხილვისას, შპს "ჰაიდელბერგცემენტ ჯორჯია"-ს მხრიდან დამუშავდება "პერსონალურ მონაცემთა დაცვის შესახებ" საქართველოს კანონის მოთხოვნათა შესაბამისად. თქვენს მიერ წარმოდგენილი პერსონალური მონაცემების დამუშავების ვადა განისაზღვრება 3 წლის ვადით.
კანდიდატის პერსონალური მონაცემები, უშუალოდ იმ ვაკანსიაზე განხილვის გარდა, რომელზეც გამოიგზავნა განაცხადი, შესაძლოა შენახული და გამოყენებული იქნას თქვენი კანდიდატურის სხვა პოზიციაზე განსახილველად. თუ თქვენ წინააღმდეგი ხართ, თქვენი კანდიდატურა განხილულ იქნას სხვა პოზიციაზე ან გსურთ შპს "ჰაიდელბერგცემენტ ჯორჯია"-მ შეწყვიტოს თქვენი პერსონალური მონაცემების დამუშავება, შეგიძლიათ დაგვიკავშირდეთ კომპანიის საკონტაქტო ნომერზე.
გაითვალისწინეთ, რომ კანდიდატის პერსონალური მონაცემების გამოგზავნით, თქვენ ადასტურებთ, რომ გაეცანით წინამდებარე შეტყობინებას და თანახმა ხართ, თქვენი პერსონალური მონაცემები დამუშავდეს ზემოაღნიშნული პირობების დაცვით.
შპს „ჰაიდელბერგცემენტ ჯორჯია“ კანდიდატთა შერჩევის პროცესს ახორციელებს „დისკრიმინაციის ყველა ფორმით აღმოფხვრის შესახებ“ საქართველოს კანონის მოთხოვნათა და პირთა მიმართ თანაბარი მოპყრობის პრინციპების დაცვით და გამორიცხავს პირთა მიმართ დისკრიმინაციას ნებისმიერი ნიშნით. ჩვენ ვგმობთ და ვემიჯნებით ნებისმიერი სახის დისკრიმინაციას და სექსუალურ შევიწროვებას, როგორც წინასახელშეკრულებო (მათ შორის, ვაკანსიის შესახებ განცხადების გამოქვეყნებისას და შერჩევის ეტაპზე), ისე, შრომითი ურთიერთობის ფარგლებში.