გაყიდვების ანალიტიკოსი

შპს „გროუგროუ“ აცხადებს ვაკანსიას გაყიდვების ანალიტიკოსის პოზიციაზე.
აგრო-მაღაზიათა ქსელი „გროუგროუ“ (https://growgrow.ge/) 2018 წლიდან ოპერირებს საქართველოს ბაზარზე. კომპანია 7 მაღაზიითაა წარმოდგენილი ქვეყნის სხვადასხვა რეგიონში და მომხმარებლებს სთავაზობს მცენარის გაზრდასთან და მოვლასთან დაკავშირებულ სხვადასხვა აქსესუარებსა და პროდუქტებს.

ფუნქცია-მოვალეობები:

კომპანიის გაყიდვების მონაცემების ანალიზი, შესაბამისი პროგრამიდან მონაცემების (როგორც რაოდენობრივი, ისე თვისებრივი) ამოღება და დამუშავება;
ყოველდღიური, ყოველკვირეული, ყოველთვიური, კვარტლური და წლიური გაყიდვების მონაცემების ანალიზი და შესაბამისი პერიოდულობის რეპორტების მომზადება;
გაყიდვის საშუალო მაჩვენებლების გამოანგარიშება, როგორც ფილიალების, ისე თანამშრომლების მიხედვით, პროდუქტიულობის კოეფიციენტის დადგენის მიზნით;
მოთხოვნის შესაბამისად, კონკრეტული პროდუქციის გაყიდვის სტატისტიკის მომზადება;
მომხმარებლის მსყიდველობითუნარიანობის ანალიზი, მათ შორის, საშუალო ტრანზაქციის მოცულობისა და ტრანზაქციაში პროდუქტების საშუალო რაოდენობის ანალიზი;
ბაზარზე არსებული გაყიდვების ტენდენციების ანალიზი;
მარაგების პრედიქტული ანალიზი, შესაძლო ზარალის შეფასებისა და დროული აღმოფხვრის მიზნით;
პროდუქციის ნაშთისა და გაყიდვის მაჩვენებლის ანალიზის შედეგად, შესაკვეთი პროდუქციის რაოდენობის დადგენა;
გაყიდვების ანალიზის საფუძველზე, თითოეული მაღაზიაში განსათავსებელი პროდუქციის გეგმის შედგენა;
თითოეული ფილიალის გაყიდვების პროგნოზის შემუშავება და გაყიდვის გეგმების დასახვა;
პროდუქციის თვითღირებულების გათვალისწინებით, სარეკომენდაციო ფასების შემუშავება;
ფასდასაკლები პროდუქციის ინიცირება და ღირებულების დადგენის პროცესში მონაწილეობა;
გაყიდვების ანალიზის საფუძველზე, სხვადასხვა დეპარტამენტისთვის რეკომენდაციების გაცემა;
გაყიდვების ანალიზის საფუძველზე, შესაბამისი პროგნოზების გაკეთება და გაყიდვების სტრატეგიის შემუშავებაში მონაწილეობის მიღება;

საკვალიფიკაციო მოთხოვნები

უმაღლესი განათლება ბიზნეს ადმინისტრირების ან ფინანსების მიმართულებით;
სულ მცირე 1 წლიანი სამუშაო გამოცდილება მსგავს პოზიციაზე;
მონაცემთა ბაზებთან მუშაობისა და ინფორმაციის გადამუშავების გამოცდილება;
Microsoft Excel-ის ძალიან მაღალ დონეზე ცოდნა;
სასურველია 1C პროგრამაში მუშაობის გამოცდილება;
Power BI-ში მუშაობის გამოცდილება ჩაითვლება პრიორიტეტად;

სამუშაო გრაფიკი:კვირაში 5 დღე, ორშაბათი-პარასკევი, 11:00-20:00

ანაზღაურება: მოლაპარაკების საფუძველზე, კვალიფიკაციის შესაბამისად
მისამართი: ქ. თბილისი, ვერა

დაინტერესების შემთხვევაში, გაგვიზიარეთ თქვენი CV მეილზე: hr@growgrow.ge, სათაურის ველში მიუთითეთ პოზიციის დასახელება - გაყიდვების ანალიტიკოსი
აღნიშნულ ვაკანსიაზე CV-ის გაგზავნით ადასტურებთ, რომ თანახმა ხართ, კომპანიამ "პერსონალურ მონაცემთა დაცვის შესახებ" საქართველოს კანონის ფარგლებში შეაგროვოს, დაამუშავოს და შეინახოს წარდგენილი ინფორმაცია, თქვენი დასაქმებისთვის საჭირო პროცედურების წარმართვის მიზნით.
პერსონალური მონაცემები გამოყენებული იქნება მხოლოდ აღნიშნული მიზნისთვის და თქვენი თანხმობის გარეშე არ გადაეცემა მესამე პირს.