ბრენდ მენეჯერი

„დრესაპ ჯგუფი“ 29 წელია მოღვაწეობს საქართველოს ბაზარზე და ექსკლუზიურად წარმოადგენს ტანსაცმლისა და ფეხსაცმლის მსოფლიოში აღიარებულ ბრენდებს: Levi’s, Lacoste, CK, Tommy Hilfiger, Tommy Jeans, Gant, Samsonite, Guess, Lee, Wrangler, Jack & Jones, Mavi, Etam, Converse, Vans, Adidas და სხვა. კომპანია წარმოდგენილია 80-მდე მაღაზიით თბილისში, რუსთავში, ბათუმსა და ზუგდიდში. ასევე, ონლაინ მაღაზიით - Dressup.ge.

„დრესაპ ჯგუფი“ აცხადებს ვაკანსიას ბრენდ მენეჯერის პოზიციაზე კომპანიის სათაო ოფისში:

ჩვენთან თანამშრომლობის უპირატესობები:

ჯანსაღი სამუშაო გარემო;
კონკურენტუნარიანი ანაზღაურება;
იდეების წახალისება/მხარდაჭერა;
მრავალფეროვანი სამოტივაციო სისტემა;
სწავლებისა და განვითარების შესაძლებლობა;
ჯანმრთელობის დაზღვევა;
„ფიტპასის“ მომსახურება;
კორპორატიული ფასდაკლება პროდუქციაზე.

სამუშაო პირობები:
სამუშაო გრაფიკი: ორშაბათი-პარასკევი, 10:00 – 19:00 სთ ან 09:30 – 18:30 სთ (1 სთ შესვენება);
ანაზღაურება: ფიქსირებული ხელფასი + ბონუსი;
სამუშაო ადგილი: ქ. თბილისი, დ. გამრეკელის ქ. #19.

ფუნქციები და მოვალეობები:

შესყიდვების ბიუჯეტის დაგეგმვა სეზონის/წლის ჭრილში;
კოლექციების შერჩევა;
მიღებული პროდუქციის განაწილება მაღაზიებში - განსაზღვრული პრიორიტეტების მიხედვით;
მაღაზიათა ქსელში, ბრენდების ჭრილში პროდუქციის ნაშთის მონიტორინგი და შესაბამისი ქმედებების დაგეგმვა/შესრულება;
გაყიდვების გუნდთან ერთად პროდუქციის გაყიდვების მონიტორინგი მაღაზიების მასშტაბით;
გაყიდვების მასტიმულირებელი სხვადასხვა აქციების დაგეგმვა;
მაღაზიათა ქსელის მომარაგების პროცესში ჩართულობა და საწყობთან კომუნიკაცია - მათ შორის წუნდებული პროდუქციის აუთლეტში გადატანა და სპეციალური ფასის დადგენა;
მიღებული პროდუქციის ვებ-გვერდზე ატვირთვისთვის საჭირო მასალის უზრუნველყოფა ატვირთული პროდუქციის სიზუსტის მონიტორინგი;
ბრენდისა და პროდუქციის მახასიათებლებზე საჭირო ინფორმაციის მოძიება და მაღაზიათა ქსელისთვის მიწოდება;
ვიზუალ მერჩენდაიზინგის მიმართულებასთან აქტიური ჩართულობა პროდუქციის განლაგებასთან დაკავშირებით;
მაღაზიათა ქსელში ვიზიტი და ადგილზე არსებული საკითხების იდენტიფიცირება (პროდუქციის განლაგება/მერჩენდაიზინგი, წუნდებული პროდუქციის შესწავლა, არსებული სიტუაციის ანალიზი და ა.შ.);
მარკეტინგის დეპარტამენტთან კომუნიკაცია, ბრენდის ცნობადობის ასამაღლებელი კამპანიების დაგეგმვაში მონაწილების მიღება;
მარკეტინგის გუნდისთვის ბრენდის ცნობადობის ასამაღლებლად საჭირო ინფორმაციის მიწოდება;
კონკურენტების პერიოდული შეფასება/მონიტორინგი.

საკვალიფიკაციო მოთხოვნები და უნარ-ჩვევები:

უმაღლესი განათლება (სასურველია ბიზნეს ადმინისტრირების მიმართულებით);
ბრენდ მენეჯერის პოზიციაზე მუშაობის 1-2 წლიანი სამუშაო გამოცდილება (სასურველია სპორტულ ბრენდებთან მუშაობის გამოცდილება);
ინგლისური და რუსული ენების საკომუნიკაციო დონეზე ცოდნა;
MS Office პროგრამების ცოდნა (განსაკუთრებით MS Excel-ის მაღალ დონეზე ცოდნა);
მიზანდასახულობა და შედეგებზე ორიენტირებულობა;
ეფექტური კომუნიკაციისა და მოლაპარაკების წარმოების უნარი;
პრობლემების გადაჭრისა და გადაწყვეტილების დამოუკიდებლად მიღების უნარი;
ორგანიზებულობა და საქმის დაგეგმვის/კოორდინირების უნარი;
ანალიტიკური აზროვნება;
პასუხისმგებლობის მაღალი დონე;
მოქნილობა და ოპერატიულობა;
დეტალებზე ორიენტირებულობა.

კანდიდატთა შერჩევა
გთხოვთ, დაინტერესების შემთხვევაში თქვენი CV/რეზიუმე გამოგვიგზავნოთ ელექტრონულ მისამართზე: career@dressup.ge 2023 წლის 11 დეკემბრის ჩათვლით და სათაურის ველში მიუთითოთ პოზიციის სახელწოდება - „ბრენდ მენეჯერი“.
დაკავშირება მოხდება მხოლოდ შერჩეულ კანდიდატებთან.
გისურვებთ წარმატებას!