დისტრიბუტორი/პრისეილერი

ქუთაისი სრული განაკვეთი ორიენტი
მივლინება: არა ხელფასი: 1300 - 1600 +ბონუსი
განათლება: ბაკალავრი
გაყიდვები: პრისელერი ლოგისტიკა/ტრანსპორტი: დისტრიბუტორ-ექსპედიტორი
შპს „ორიენტი“ სადისტრიბუციო კომპანიაა, რომელიც 23 წელია წარმატებით მოღვაწეობს საქართველოს სადისტრიბუციო ბაზარზე. ჩვენი წარმატების გარანტი, უპირველეს ყოვლისა, ის ღირებულებებია, რომელზეც საქმიანობას ვაფუძნებთ და რომელიც ერთგული მომხმარებლის მზარდ სიმრავლეს განაპირობებს. ჩვენ ვთანამშრომლობთ და საქართველოში წარმოვადგენთ ბრენდებს, რომლებიც ერთნაირი პოპულარობით სარგებლობს მსოფლიო მასშტაბით, ესენია: BEBETO, COSBY, LIST და სხვ. ამჟამად კი ვეძებთ ერთგულ, პასუხისმგებლობით სავსე და შრომისმოყვარე ადამიანებს, რათა მათ ჩვენს დიდ ოჯახში შემოერთების, სტაბილური შემოსავლის მიღების და შემდგომი კარიერული/ პროფესიული წინსვლის შესაძლებლობა მივცეთ.

შპს ,,ორიენტი“  აცხადებს ვაკანსიას  დისტრიბუტორისა და პრისეილერის  პოზიციაზე ქუთაისში(მოიაზრება ბორტით მუშაობა).

მოთხოვნები:
  • სასურველია (მაგრამ არა  სავალდებულო) უმაღლესი განათლება;
  • დისტრიბუციაში მუშაობის გამოცდილება (ანალოგიურ ან მომიჯნავე  პოზიციაზე);
  • დახასიათება წინა სამსახურიდან  (სასურველია);
  • ცნობა ნასამართლეობაზე;
  • ცნობა ნარკოლოგიურიდან;
  • ავტომობილის მართვის მოწმობა - B კატეგორია;
  • ავტომობილის უსაფრთხო მართვის უნარი;
  • პრისეილერისათვის საქონლის უსაფრთხოებისათვის აუცილებელია  უძრავი (არასასოფლო სამეურნეო) ქონებით უზრუნველყოფა. 
  • დისტრიბუტორისათვის  საქონლის უსაფრთხოებისათვის საკმარისია საგარანტიო თანხით უზრუნველყოფა. 

აუცილებელი პიროვნული თვისებები:
  • ლიდერული და ორგანიზატორული უნარ ჩვევები;
  • ენერგიული და კომუნიკაბელური, პასუხისმგებლობის გრძნობით;
  • პუნქტუალური და დისციპლინირებული;
  • ლოგიკური აზროვნებისა და ოპტიმალური გადაწყვეტილების მიღების უნარი;
  • ექსტრემალურ სიტუაციებში რაციონალური გადაწყვეტილების სწრაფად მიღების უნარი;
  • ხმაურიან და ხალხმრავალ გარემოში ეფექტურად მუშაობის უნარი;
  • დეტალებზე ორიენტირების უნარი;
  • დაგეგმვისა და სამუშაო დროის ოპტიმალურად განაწილების უნარი;

ძირითადი მოვალეობები - დისტრიბუტორი
  • მოახდინოს საწყობიდან შეკვეთილი პროდუქციის ჩატვირთვის კონტროლი;
  • უზრუნველყოს პროდუქციის მიწოდება სავაჭრო ობიექტებში გაწერილი მარშრუტის მიხედვით;
  • ყოველდღიურად წარმოადგინოს ანგარიში, ჩატარებული სამუშაოს შესახებ;
  • საქონლის რეალიზაციით მიღებული თანხა ყოველი დღის ბოლოს შეიტანოს დამსაქმებლის სალაროში ან ბანკში. 
  • სისტემატიურად ამოწმოს მაღაზიებში მიტანილი საქონლის შესახებ ინფორმაცია, გააკონტროლოს და მიიღოს ყველა საჭირო ზომა მაღაზიასთან დადებული ხელშეკრულებების პირობების შესრულების უზრუნველსაყოფად. 
  • უზრუნველყოს მის სარგებლობაში მყოფი ავტომანქანის გამართული მუშაობა და ჰიგიენის კონტროლი.
  • უშუალო ხელმძღვანელს ყოველთვიურად წარუდგინოს ანგარიში შესრულებული სამუშაოს შესახებ.

ძირითადი მოვალეობები - პრისეილერი
  • კლიენტებთან ვიზიტი განსაზღვრული მარშუტის მიხედვით და შეკვეთების გაწერა;
  • არსებული და პოტენციურ კლიენტებთან გრძელვადიანი ურთიერთობის ჩამოყალიბება;;
  • კლიენტების რაოდენობის ზრდაზე ზრუნვა;
  • პროდუქციის განლაგება თაროზე, თაროს წილის და მერჩენდაიზინგის კონტროლი;
  • გაყიდვების გაზრდა და გეგმის შესრულება; 
  • მოახდინოს დამსაქმებლის პროდუქციის რეალიზაცია, ხოლო საქონლის რეალიზაციით მიღებული თანხა ყოველი დღის ბოლოს შეიტანოს დამსაქმებლის სალაროში ან ბანკში. უშუალო ხელმძღვანელს ყოველთვიურად წარუდგინოს ანგარიში შესრულებული სამუშაოს შესახებ.

ჩვენთან თანამშრომლობის შემთხვევაში გთავაზობთ:
  • შესაძლებლობას გახდეთ სწრაფად მზარდი კომპანიის თანამშრომელი;
  • თანამედროვე და მოწესრიგებულ სამუშაო გარემოს;
  • კუთვნილი ანაზღაურების შეუფერხებელ მიწოდებას;
  • პროფესიონალ და მეგობრულ გუნდს;
  • პროფესიული/ კარიერული ზრდის შესაძლებლობას;
  • შრომის ჯანსაღ და უსაფრთხო პირობებს;
  • ანაზღაურებად შვებულებას;

ანაზღაურება:
  • ფიქსირებულ ანაღაურებას + გაყიდვებიდან მიღებული ბონუსი.    
  • პრისეილერის ანაზღაურება ხელზე ასაღები: 1600 ლარიდან ზევით;
  • დისტრიბუტორის ანაზღაურება ხელზე ასაღები: 1300 ლარიდან ზევით;

სამუშაო გრაფიკი: ორშაბათიდან-პარასკევის  ჩათვლით (09:00-დან 18:00მდე; შესვენება1 საათი),  დასვენების დღე -  შაბათ-კვირა.
გასაუბრება ჩატარდება მისამართზე: ქ. ქუთაისი, ა.წერეთლის N 192.

გთხოვთ, დაინტერესებულმა კანდიდატებმა გადმოაგზავნოთ რეზიუმე ფოტოსურათით მისამართზე:  r.mamaladze@orientltd.ge. ელექტრონულ წერილის სათაურის ველში მიუთითეთ  სასურველი ვაკანსიის დასახელება. წინააღმდეგ შემთხვევაში, მიღებული  რეზიუმე არ განიხილება.