სასტუმრო ეპიზოდი შექმნილია ენერგიული, დინამიური მოგზაურებისთვის, რომლებიც ეძებენ არა მხოლოდ საცხოვრებელ ადგილს, არამედ დასამახსოვრებელ გამოცდილებას. სასტუმრო მოიცავს 118 ნომერს, სპორტულ დარბაზს, საკონფერენციო და შეხვედრების ოთახებს , ბარ-რესტორანს და მწვანე სივრცე-ატრიუმს.

სასტუმრო "ეპიზოდ ჰოტელს" აცხადებს ვაკანსიას შეფ მზარეულის პოზიციაზე.
სამუშაო ადგილი: თბილისი, პეკინის ქ. 41
სამუშაო გრაფიკი: ორშაბათი-პარასკევი (09:00-18:00)
ბენეფიტები: კვება / დაზღვევა/ ჰიბრიდული პარასკევი დღე/ ფასდაკლება სასტუმროს მომსახურებებზე.

ძირითადი მოვალეობა:

• ორგანიზაციული მიზნების გათვალისწინებით სამზარეულოს მოკლე და გრძელვადიანი სტრატეგია/მიზნების დასახვა. სამუშაო პროცესის, პროდუქტის გაუმჯობესებისა და მაღალი სტანდარტების დანერგვა;
• კვების ობიექტების მენიუს კვარტალურად/სეზონურად განახლება და სიახლეების შემოთავაზება;
• დაქვემდებარებული თანამშრომლის შესრულებული სამუშაოს მონიტორინგი და შესაბამისი უკუკავშირის მიცემა; ახალი თანამშრომლების რეკრუტინგში მონაწილეობის მიღება და მათი ტრენინგი;
• პროდუქციის შეკვეთების ოპტიმალურად გაკეთება;
• მიღებული პროდუქტის ხარისხის და ვადების კონტროლი. პროდუქციის სწორად დასაწყობება და საწყობების კონტროლი;
• აღწერის და ინვენტარიზაციის ყოველთვიურად წარმოება, შედეგების ანალიზი და საჭიროებისამებრ შესაბამისი ზომის მიღება;
• დეპარტამენტის მომგებიანობაზე ზრუნვა და ამ მიმართულებით ეფექტური ცვლილებების გატარება;
• პერიოდული შემოწმებების განხორციელება სურსათის უვნებლობის/ჰასპის სტანდარტების შესაბამისად. საჭირო დოკუმენტაციების წარმოება;
• სამზარეულოს დანადგარების და აღჭურვილობის მოხმარების მონიტორინგი და საჭირო ტრენინგების ჩატარება.

საკვალიფიკაციო მოთხოვნები:

• სასურველია იმავე პოზიციაზე მუშაობის ორწლიანი გამოცდილება;
• საკვების მომზადების ტექნიკის მაღალ დონეზე ფლობა;
• მენიუს შედგენის და რეცეპტების განვითარებისა და სტანდარტიზაციის უნარი;
• გუნდის მართვის გამოცდილება;
• საოფისე პროგრამების ცოდნა.

პიროვნული მახასიათებლები:

• სიახლეების სწრაფად ათვისების უნარი;
• პასუხისმგებლობის მაღალი გრძნობა;
• დეტალებზე ორიენტირებულობა;
• მოტივირებულობა და ორგანიზებულობა;
• პუნქტუალურობა.

დაინტერესების შემთხვევაში, გთხოვთ, გამოგვიგზავნოთ რეზიუმე ელ. მისამართზე: career@episodehotels.com, სათაურის ველში აუცილებლად მიუთითეთ - „შეფ მზარეული".
რეზიუმეების განხილვის შედეგად, დაკავშირება მოხდება მხოლოდ შემდეგ ეტაპზე გადასულ კანდიდატებთან. კანდიდატების შერჩევა მოხდება კონკურსის წესით, გასაუბრების საფუძველზე.

გაცნობებთ, რომ ჩვენს ვაკანსიაზე თქვენი მონაცემების გამოგზავნით, "პერსონალურ მონაცემთა დაცვის შესახებ" საქართველოს კანონის შესაბამისად, აცხადებთ თანხმობას რომ შპს "ეპიზოდ ჰოტესლმა"-მ დაამუშაოს თქვენი პერსონალური მონაცემები ვაკანსიასთან შესაბამისობის დადგენის მიზნით. ამასთან, თქვენს მიერ გამოგზავნილი რეზიუმე შეიძლება განხილულ იქნას სხვა ვაკანტური პოზიციისთვის. თქვენი რეზიუმე შესაძლოა შენახული იქნას 1 წლის განმავლობაში.

გისურვებთ წარმატებას!