მთავარი ბუღალტერი

სამშენებლო კომპანია "ანაგი" შვილობილი კომპანიისთვის აცხადებს ვაკანსიას მთავარი ბუღალტრის თანამდებობაზე

სამშენებლო კომპანია "ანაგი" ეძებს გამოცდილ და კვალიფიციურ მთავარ ბუღალტერს ერთ-ერთი შვილობილი კომპანიისთვის. მთავარი ბუღალტერი პასუხისმგებელი იქნება კომპანიის სრული საბუღალტრო აღრიცხვის მართვაზე, ფინანსური ანგარიშგების სიზუსტესა და კანონმდებლობასთან შესაბამისობაზე.

ძირითადი მოვალეობები და პასუხისმგებლობები:

კომპანიაში ბუღალტრული აღრიცხვა-ანგარიშგების პროცესების სრული მართვა და კოორდინაცია, ფინანსური ანგარიშგების საერთაშორისო სტანდარტების (IFRS), საქართველოს მოქმედი საგადასახადო კანონმდებლობისა და სხვა ნორმატიული აქტების მოთხოვნებთან სრული შესაბამისობის უზრუნველყოფა.
სრული საბუღალტრო ციკლის მართვა პირველადი დოკუმენტაციის დამუშავებიდან ფინანსური ანგარიშგების მომზადებამდე.
ყოველთვიური, კვარტალური და წლიური დახურვის პროცესების ეფექტიანი მართვა და კონტროლი.
სანდო შიდა კონტროლის სისტემის ჩამოყალიბება და შენარჩუნება აქტივების დაცვისა და ფინანსური ინფორმაციის სანდოობის უზრუნველსაყოფად.
ფინანსური ანგარიშგების (მოგება-ზარალი, ბალანსი, ფულადი სახსრების მოძრაობა) მომზადება, ანალიზი და მენეჯმენტისთვის წარდგენა.
საჭიროებისამებრ, მენეჯერული აღრიცხვისა და ფინანსური ანგარიშგების მხარდაჭერა.
საგადასახადო დეკლარაციებისა და სხვა სავალდებულო ანგარიშგებების მომზადებისა და მარეგულირებელ ორგანოებში დროული წარდგენის უზრუნველყოფა და კონტროლი.
ბუღალტრული აღრიცხვის პოლიტიკისა და პროცედურების შემუშავება, დანერგვა და მუდმივი განახლება ცვალებადი საკანონმდებლო და ბიზნესგარემოს შესაბამისად.

საკვალიფიკაციო მოთხოვნები:
განათლება:

უმაღლესი განათლება ფინანსების, ბუღალტრული აღრიცხვის ან ეკონომიკის მიმართულებით (ბაკალავრის ხარისხი).
ACCA-ს სერტიფიკატი (ან სწავლის დასკვნით ეტაპზე ყოფნა) ან სხვა ეკვივალენტური საერთაშორისო პროფესიული კვალიფიკაცია ჩაითვლება მნიშვნელოვან უპირატესობად.

გამოცდილება:

მთავარი ბუღალტრის ან ანალოგიურ ხელმძღვანელ პოზიციაზე მუშაობის, სულ მცირე, 4-წლიანი გამოცდილება.
სასურველია სამშენებლო სფეროში ან მრავალპროფილიანი ჰოლდინგის სტრუქტურაში (შვილობილ კომპანიაში) მუშაობის გამოცდილება.

პროფესიული ცოდნა და უნარები:

საქართველოს საგადასახადო კოდექსისა და მასთან დაკავშირებული კანონქვემდებარე აქტების, ასევე ფინანსთა სამინისტროს ინსტრუქციების საფუძვლიანი ცოდნა.
ფინანსური ანგარიშგების საერთაშორისო სტანდარტების (IFRS) ცოდნა და პრაქტიკულად გამოყენების გამოცდილება.
ინგლისური და რუსული ენების კარგად ცოდნა (B2 დონე ან უფრო მაღალი, როგორც წერილობითი, ისე ვერბალური კომუნიკაციისთვის).
კომპიუტერული პროგრამები:
MS Office-ის პროგრამების (განსაკუთრებით Excel-ისა) პროფესიულ დონეზე ფლობა.
საბუღალტრო პროგრამა Balance-სთან და ORIS-სთან მუშაობის გამოცდილება.

უნარ-ჩვევები:

პასუხისმგებლობის უმაღლესი გრძნობა და ეთიკური სტანდარტების დაცვა.
ძლიერი ანალიტიკური და ლოგიკური აზროვნების, ასევე პრობლემების გადაჭრის უნარი.
დეტალებზე ორიენტირება და მაღალი სიზუსტის დაცვა სამუშაოს შესრულებისას.
ეფექტიანი კომუნიკაციის, მათ შორის, რთული ფინანსური ინფორმაციის ნათლად გადმოცემის უნარი.
ორგანიზებულობა, დროის ეფექტიანად მართვისა და პრიორიტეტების განსაზღვრის უნარი.
გუნდური მუშაობისა და საჭიროების შემთხვევაში გუნდის მართვის უნარი.
დამოუკიდებლად მუშაობისა და გადაწყვეტილებების მიღების უნარი.

დამატებითი ინფორმაცია:
გამოსაცდელი ვადა: 6 თვე
სამუშაო გრაფიკი: სრული, ორშაბათი-პარასკევი, 10:00-19:00 (შესვენება 1 საათი)
სამუშაო ადგილი: ქ. თბილისი, კოსტავას 37/39

შერჩევის ეტაპები:
კანდიდატები, რომლებიც აკმაყოფილებენ ვაკანსიის მოთხოვნებს, გაივლიან შერჩევის შემდეგ ეტაპებს:

ტესტირება - პროფესიული ცოდნა და ზოგადი უნარები;
გასაუბრება - ტესტირების წარმატებით გავლის შემთხვევაში.

განაცხადის შემოტანა:
დაინტერესების შემთხვევაში, გთხოვთ, გამოაგზავნოთ თქვენი რეზიუმე (CV) ელექტრონული ფოსტის მისამართზე: hr@anagi.ge, 2025 წლის 10 ივლისის ჩათვლით.

მნიშვნელოვანია: გთხოვთ, ელექტრონული ფოსტის სათაურის (Subject) ველში მიუთითოთ ვაკანსიის დასახელება: „მთავარი ბუღალტერი (შვილობილი კომპანია)“. წინააღმდეგ შემთხვევაში თქვენი განაცხადი შესაძლოა არ განიხილონ.
კომპანიის შესახებ დეტალური ინფორმაციისთვის ეწვიეთ ჩვენს ვებგვერდს: http://www.anagi.ge.

გისურვებთ წარმატებას!