სს „ბანკი ქართუ“ აცხადებს ვაკანსიას პროექტის მენეჯერის თანამდებობაზე ბიზნესის განვითარების დეპარტამენტის საბანკო პროდუქტების განყოფილებაში.
ადგილმდებარეობა: ქ.თბილისი, სათავო ოფისი

ფუნქციები და მოვალეობები:

• დამტკიცებული პროდუქტის შექმნისა და დანერგვის პროცესის კოორდინაცია პროექტის მართვის პრინციპების გამოყენებით;
• პროექტის დეტალური გეგმის შემუშავება;
• მრავალფუნქციურ გუნდებთან თანამშრომლობა პროექტის მიზნების, ფარგლებისა და შედეგების განსაზღვრის მიზნით;
• პროდუქტის საკვანძო ბიზნესამოცანების განსაზღვრა და შესრულების მონიტორინგი;
• ბანკის სხვადასხვა სტრუქტურულ ერთეულთან თანამშრომლობა პროექტის წარმატებით შესრულების მიზნით;
• რესურსების გამოყენების ოპტიმიზაცია პროექტის მიზნების მისაღწევად;
• პროდუქტის გაშვებამდე ტესტირებების დაგეგმვა და მონიტორინგი;
• პროდუქტის დანერგვის შემდგომი ანალიზი, პროექტის წარმატების ხარისხისა და გაუმჯობესების სფეროების შესაფასებლად;
• საქართველოს ეროვნულ ბანკთან თანამშრომლობა.

საკვალიფიკაციო მოთხოვნები:

• უმაღლესი განათლება (სასურველია ბიზნესის ადმინისტრირების მიმართულებით);
• არანაკლებ 2 წლიანი სამუშაო გამოცდილება საბანკო სექტორში;
• საბანკო პროდუქტების სიღრმისეული ცოდნა (განვითარების ტენდენციების, კონკურენტული გარემოს, პროდუქტების, სერვისებისა და მათი მიწოდების არხების ცოდნა);
• ინგლისური ენის ცოდნა;
• ბანკის სტრატეგიაზე მორგებული ბიზნესგადაწყვეტილების მიღების უნარი;
• ინოვაციური სტრატეგიების შემუშავებისა და განხორციელების უნარი;
• ანალიტიკური აზროვნება და ყურადღება დეტალების მიმართ;
• ბიზნესმოლაპარაკებების წარმოების უნარი;
• მონაცემების ანალიზისა და ტენდენციების იდენტიფიცირების უნარი;
• კომპეტენციის ფარგლებში გადაწყვეტილების დროულად და დამოუკიდებლად მიღების უნარი.

დაინტერესებულ პირებს გთხოვთ, CV ელექტრონულად გამოგზავნოთ მისამართზე: vacancy@cartubank.ge;
გთხოვთ, გაითვალისწინოთ, რომ თუ CV-ზე ან ელ.ფოსტის თემატიკაში არ იქნება მითითებული თანამდებობა, რომელზეც აგზავნით დოკუმენტაციას, განაცხადები არ იქნება განხილული.
განაცხადების გამოგზავნის ბოლო ვადაა 2025 წლის 18 აგვისტო.
წარმოდგენილი განაცხადებიდან მხოლოდ ბანკის მიერ შერჩეულ კანდიდატებთან მოხდება დაკავშირება.


წინამდებარე შეტყობინების გაცნობით თქვენ ადასტურებთ, რომ ინფორმირებული ხართ და აცხადებთ თანხმობას თქვენი პერსონალური მონაცემების დამუშავების შესახებ (მათ შორის განსაკუთრებული კატეგორიის მონაცემებზე), რომელიც აუცილებელია დასაქმების კანდიდატის შესარჩევად. აღნიშნული მონაცემების დამუშავება აუცილებელია თქვენი კანდიდატურის განსახილველად. თქვენი მონაცემები ცნობილი გახდა თქვენ მიერ წარმოდგენილი დოკუმენტ(ებ)ის, განცხადებ(ებ)ის, აპლიკაციის გამოგზავნით. ასევე, ზეპირი ან/და ელექტრონული შეტყობინების ფორმით წარმოდგენის შედეგად. აღნიშნული მონაცემები შეგროვდება და დამუშავდება ვაკანსიაზე თქვენი განაცხადის განხილვის მიზნით. ასევე, იმ მიზნით, რომ კომპანიამ შესაძლოა სამომავლოდ შემოგთავაზოთ დასაქმება. კანდიდატის პერსონალური მონაცემები შეინახება არაუმეტეს 3 (სამი) წლის ვადით. თუ თქვენ არ ეთანხმებით თქვენი მონაცემების ამ მიზნებით დამუშავებას, დაუკავშირდით კომპანიას საკონტაქტო მონაცემებზე: info@cartubank.ge ან/და ტელეფონის ნომერზე: (+995 32) 200 80 80 და მოითხოვოთ პერსონალური მონაცემების დამუშავების შეწყვეტა, დოკუმენტ(ებ)ის დაბრუნება/წაშლა/განადგურება. თქვენი თანხმობა აუცილებელი პირობაა კომპანიაში ნებისმიერ პოზიციაზე თქვენი კანდიდატურის განსახილველად. წინამდებარე შეტყობინება არ განიხილება შრომით ხელშეკრულებად ან მის ნაწილად.