სს სადაზღვევო კომპანია პრაიმი არის ევროპული ინვესტიციით შექმნილი დასავლური სტანდარტების კომპანია, რომელიც 2007 წლიდან არის წარმოდგენილი ბაზარზე. 2018 წლიდან კომპანიამ რებრენდინგი განახორციელა და ბაზარზე განახლებული სახელით, შესაძლებლობებითა და ხედვებით წარსდგა. სადაზღვევო კომპანია პრაიმი გამოირჩევა სტაბილურობით, მზარდი კაპიტალით, პროვაიდერთა ქსელის მრავალფეროვნებითა და კონკურენტული პროდუქტებით. სადაზღვევო კომპანია პრაიმის აქციონერი არის ევროპული საინვესტიციო კომპანია - Mercury Europe Holdings SA.

სს სადაზღვევო კომპანია პრაიმი აცხადებს ვაკანსიას ავტო ზარალების რეგულირების მენეჯერის პოზიციაზე ქ. თბილისში

ძირითადი ფუნქცია-მოვალეობები :

• ზარების მიღება დღე-ღამის 18:00 საათიდან 10:00 საათამდე მონაკვეთში;
• სადაზღვევო შემთხვევის ადგილზე გასვლა (აუცილებლობის შემთხვევაში) დღე-ღამის 18:00 საათიდან 10:00 საათამდე მონაკვეთში და გარემოებების შესწავლა;
• დაზიანებული მოძრავი/უძრავი ქონების აღწერა ფოტო-ვიდეო მასალით;
• შემთხვევის ადგილის, საგზაო მონიშვნების აღწერა ფოტო-ვიდეო მასალით;
• სადაზღვევო შემთხვევასთან დაკავშირებული დოკუმენტაციის გამოთხოვა შესაბამისი ადმინისტრაციული ორგანოდან (შსს, გარემოს ეროვნული სააგენტო, მუნიციპალური ინსპექცია);
• სადაზღვევო შემთხვევაში მონაწილე პირებთან ურთიერთობის წარმართვა, გადამისამართება მომწოდებელ ავტო სერვისებში;
• სადაზღვევო შემთხვევის შედეგიდან გამომდინარე, დაზიანებული მოძრავი ქონების ევაკუაცია;
• კომუნიკაცია არასამედიცინო ზარალების დეპარტამენტის თანამშრომლებთან სამუშაოს შესაბამისი ინსტრუქციის მისაღებად;

გრაფიკი: დინამიური, სამ დღეში ერთხელ 18:00-10:00

აუცილებელი მოთხოვნები:

• მანქანის მართვის გამოცდილება (მინიმუმ 1 წელი);
• მანქანის მართვის მოწმობა;
• საოფისე პროგრამების ცოდნა

პიროვნული თვისებები და უნარები:

• ეფექტური კომუნიკაციის უნარი;
• მოლაპარაკების წარმოების უნარი;
• დამაჯერებლობა კომუნიკაციისას;
• ორგანიზებულობა;

ანაზღაურება: 800 ლარი

თუ თქვენ აკმაყოფილებთ ზემოთ მოცემულ მოთხოვნებს, გამოაგზავნეთ თქვენი რეზიუმე ელ მისამართზე: vacancy@primeinsurance.ge სათაურის ველში, გთხოვთ, მიუთითეთ ვაკანსიის დასახელება.
გაითვალისწინეთ, რომ თქვენ მიერ მოწოდებული ინფორმაცია (რეზიუმე, დიპლომ(ებ)ი, სერტიფიკატ(ებ)ი, სხვა თანდართული დოკუმენტი) შეიძლება შეიცავდეს „პერსონალურ მონაცემთა დაცვის შესახებ“ საქართველოს კანონით გათვალისწინებულ პერსონალურ მონაცემებს. ნებისმიერი პერსონალური მონაცემი, რომელიც სს სადაზღვევო კომპანია პრაიმისთვის ხელმისაწვდომი გახდება განაცხადების განხილვისა და კანდიდატების შერჩევის პროცესში, დამუშავდება კომპანიის მიერ არაუმეტეს 3 (სამი) წლის ვადით). აღნიშნულის მიზანია, სამომავლოდ, შესაბამისი ვაკანსიის არსებობის შემთხვვევაში, გვქონდეს თქვენი კანდიდატურის კიდევ ერთხელ განხილვის შესაძლებლობა. თუ თქვენ მიერ მოწოდებული ინფორმაცია შეიცავს სხვის პერსონალურ მონაცემებსაც, მისგან თანხმობის მოპოვების ვალდებულება აღნიშნული მონაცემების სს სადაზღვევო კომპანია პრაიმისთვის გადაცემასთან დაკავშირებით გეკისრებათ თქვენ.
გთხოვთ, გაითვალისწინოთ, რომ რეზიუმეს და პერსონალური მონაცემების შემცველი სხვა დოკუმენტ(ებ)ის გამოგზავნით თქვენ თანხმობას აცხადებთ ზემოთ აღნიშნულ პირობებთან დაკავშირებით.