შპს „ელიტ მოტორსი“ 2008 წლიდან ოპერირებს საქართველოს ბაზარზე. კომპანია სხვადასხვა პრემიუმ ბრენდების მძიმე და მცირე სამშენებლო ტექნიკის, ინდუსტრიული დანადგარების, ძრავებისა და გენერატორების ოფიციალური წარმომადგენელია საქართველოში.
კომპანია წარმოადგენს ისეთ საყოველთაოდ ცნობილ ბრენდებს როგორებიცაა: Volvo CE, Merlo, Mecalac, Atlas Copco, Genie, Emsa, Mosa, Hangcha, Wacker Neuson

შპს ''ელიტ მოტორსი" აცხადებს ვაკანსიას გაყიდვების მენეჯერის პოზიციაზე, ბათუმში. მიმართულება: მძიმე ტექნიკა და დანადგარები

სამუშაო აღწერილობა:

• ახალი კლიენტების მოძიება,გასაყიდი და გასაქირავებელი ტექნიკის შეთავაზება - გრძელვადიანი პარტნიორული ურთიერთობების ჩამოყალიბება;
• გაყიდვა/გაქირავების სტრატეგიის შემუშავებაში მონაწილეობა, მისი დაგეგმვა და გუნდთან ერთად ეფექტიანი განხორციელება;
• მოლაპარაკებების წარმოება, შეთავაზებების მომზადება და კონტრაქტების გაფორმება;
• გაქირავებული ტექნიკის მიწოდებისა და დაბრუნების დაგეგმვა, ტრანსპორტირების პროცესის კოორდინაცია და ობიექტებზე მიწოდების ვადების სრული კონტროლი;
• გასაყიდი და გასაქირავებელი ტექნიკის მახასიათებლების პროფესიული წარმოდგენა და კლიენტის საჭიროებებზე მორგებული ოპტიმალური გადაწყვეტის შეთავაზება;
• პოტენციური მომხმარებლებისთვის კომპანიის პროდუქციის შესახებ ინფორმაციის მიწოდება და საჭიროების შემთხვევაში პროდუქტის პრეზენტაციების ჩატარება;
• არსებულ და პოტენციურ კლიენტებთან/პარტნიორებთან გრძელვადიანი ურთიერთობების განვითარება რეგულარული ვიზიტებისა და სატელეფონო კომუნიკაციის გზით;
• ბაზრისა და კონკურენტების მონიტორინგი, მათი პროდუქციისა და შეთავაზებების ანალიზი;

კომპეტენციები და გამოცდილება:

• უმაღლესი განათლება(სასურველია ინჟინერია, ტექნიკური ან ბიზნესის მიმართულებით)
• გაყიდვების სფეროში გამოცდილება 2 წლამდე(B2B, ტექნიკის ან ინდუსტრიული პროდუქციის გაყიდვის გამოცდილება ჩაითვლება უპირატესობად);
• მძიმე ტექნიკის, ინდუსტრიული დანადგარების ან სამშენებლო სექტორის სპეციფიკის ცოდნა სასურველია;
• ტექნიკური საკითხების და ტერმინოლოგიის ცოდნა;
• ეფექტური გაყიდვებისა და მოლაპარაკების წარმოების უნარი;
• შედეგებზე ორიენტირებულობა და დამოუკიდებლად მუშაობის უნარი;
• მაღალი პასუხისმგებლობის გრძნობა და ორგანიზებულობა;
• ინგლისური და/ან რუსული ენის ცოდნა (ორივეს ფლობა სასურველია)
• საოფისე პროგრამებისა და CRM სისტემების ფლობა
• მართვის მოწმობა B კატეგორია

ჩვენთან დაგხვდებათ:

• პროფესიული ზრდისა და განვითარების შესაძლებლობა სტაბილურ კომპანიაში;
• კვარტალურ ბონუსს გაყიდვების მიზნების შესრულების შემთხვევაში;
• წლიური ბონუსი მიღწეული შედეგებისა და KPI-ების შესაბამისად;
• ჯანმრთელობის დაზღვევა;
• ნომერი კორპორატიული პაკეტით;

პირობები:

• ანაზღაურება: 2000-2500 ლარი (net)
• ადგილმდებარეობა: ბათუმი-ფ. ხალვაშის ქუჩა N 119
• დასაქმების ტიპი: სრული განაკვეთი, სამუშაო საათები: 09:00 - 18:00 (ორშაბათი-პარასკევი) 09:00-14:00 (შაბათი)

თუ თვლით, რომ აკამაყოფილებთ ჩვენ მიერ გამოცხადებულ კრიტერიუმებს, გამოაგზავნეთ რეზიუმე ელ. ფოსტაზე: t.machitidze@elitemotors.ge სათაურის ველში (Subject) მიუთითეთ პოზიციის დასახელება: „ გაყიდვების მენეჯერი - ბათუმი“

დაკავშირება მოხდება მხოლოდ შერჩეულ კანდიდატებთან,

მადლობას გიხდით ვაკანსიით დაინტერესებისთვის და გისურვებთ წარმატებებს!

აღნიშნულ ვაკანსიაზე მონაცემების გაგზავნით ადასტურებთ, რომ თანახმა ხართ, კომპანიამ "პერსონალურ მონაცემთა დაცვის შესახებ" საქართველოს კანონის ფარგლებში, დაამუშაოს წარდგენილი ინფორმაცია (რეზიუმე) საჭირო პროცედურების წარმართვის მიზნით.

ელიტ მოტორსში თანასწორობა უმნიშვნელოვანესი ღირებულებაა. ჩვენ ვემიჯნებით ნებისმიერი სახის დისკრიმინაციას, როგორც წინასახელშეკრულებო, ისე შრომით ურთიერთობებში და სწორედ ამიტომ, ჩვენთან დასაქმებულ თითოეულ ადამიანს უსაფრთხო, არადისკრიმინაციულ და თანასწორ სამუშაო გარემოს ვთავაზობთ, სადაც მისი ფუნდამენტური სოციალური და კულტურული უფლებები დაცულია.