,,ბს/2 ჯორჯია“ ეძებს პორგამული უზრუნველყოფისა და ტექნიკური მხარდაჭერის სპეციალისტს (Software & Technical Support Specialist), რომელიც შემოუერთდება ჩვენს გუნდს და ჩაერთვება საბანკო ტექნოლოგიების მიმართულებით მიმდინარე პროექტების მხარდაჭერასა და განვითარებაში.
"ბს/2 ჯორჯია" წარმოადგენს ლიეტუვური ჰოლდინგის "Penki Kontinentai" (BS/2) შვილობილ კომპანიას (https://bs2.lt/ge/career/) და და საქართველოში თანამშრომლობს წამყვან ბანკებთან ბანკომატებისა (ATM) და POS ტერმინალების მიმართულებით. ჯგუფის შვილობილი კომპანიები და პარტნიორები ოპერირებენ 12 ქვეყანაში, ხოლო რეგიონული წარმომადგენლობა აქტიურად ფუნქციონირებს 9 ქვეყანაში.
Explore BS/2 Georgia: Office Tour, Team Events, and More
ეს პოზიცია უზრუნველყოფს შესაძლებლობას იმუშაოთ საერთაშორისო ტექნოლოგიურ გარემოში, მიიღოთ პრაქტიკული გამოცდილება საბანკო ტექნოლოგიებისა და ინფრასტრუქტურული სისტემების მხარდაჭერის მიმართულებით.

სამუშაო ადგილი: ქ.თბილისი, დიღომი 7, პიმენ ყურაშვილის 6 (ტრანსპოორტირებას მეტროსადგური „დიდუბიდან“ უზრუნველყოფს კომპანია).
სამუშაო დრო: ორშაბათი - პარასკევი 09:00 – 18:00 (1 სთ. შესვენება)
ანაზღაურება: 2500 – 3000 ლარი (NET) გამოცდილებისა და კვალიფიკაციის შესაბამისად.

ძირითადი მოვალეობები:

• კომპანიის პროექტებში მონაწილეობა და მათი ტექნიკური ნაწილის მხარდაჭერა;
• ახალი პროგრამული უზრუნველყოფის ან/და განახლებების დანერგვაში მონაწილეობა და ტესტირებების ჩატარება;
• ATM მოწყობილობების პროგრამული უზრუნველყოფისა და ტექნიკური ინფრასტრუქტურის სრული მხარდაჭერა (ინსტალაცია, გამართვა, განახლება, მონიტორინგი);
• შედარებით კომპლექსური ტექნიკური პრობლემებისა თუ სისტემური გაუმართაობების დიაგნოსტიკა და სწრაფი და ეფექტური რეაგირება დისტანციურად ან ადგილზე მისვლით. ველზე მომუშვე ინჟინრის მხარდაჭერა რთული ხარვეზების შემთხვევაში;
• ტექნიკურ-ანალიტიკური ანგარიშების მომზადება;
• პრობლემური შემთხვევების სრულფასოვანი დოკუმენტირება - ე.წ. ბილეთების (incident/request) აღრიცხვა და სტატისტიკური ანალიზი;
• სხვა ტექნიკურ მიმართულებებთან თანამშრომლობა პროცესების უწყვეტობის უზრუნველსაყოფად;
• კომპანიის მესამე პირებთან კომუნიკაცია კომპეტენციის ფარგლებში;
• პროფესიული ლიტერატურის, ტექნიკური დოკუმენტაციისა და შიდა რეგლამენტების შესწავლა, მათი განახლებების მონიტორინგი და მათი პრაქტიკაში გამოყენება;
• Support.zip-ისა და PBreport-ის ლოგების ანალიზი;
• Presetup დისკების შექმნა და განახლება;
• კომპანიის პროგრამული უზრუნველყოფების გადაწყვეტილებებთან დაკავშირებული ხარვეზების იდენტიფიცირება, ანალიზი და პრობლემის გადაჭრის გზის მოძიება;

მოთხოვნები:

• უმაღლესი განათლება (სასურველია ინფორმაციული ტექნოლოგიების, კომპიუტერული მეცნიერების ან მონათესავე ტექნიკური მიმართულებით);
• ოპერაციული სისტემების (Windows OS) ადმინისტრირების საბაზისო ცოდნა;
• კომპიუტერული ქსელების საფუძვლების ცოდნა;
• პროგრამული უზრუნველყოფის ინსტალაციის, კონფიგურაციისა და განახლების პროცესებთან მუშაობის გამოცდილება;
• ტექნიკური დოკუმენტაციის წაკითხვის, გაანალიზებისა და პრაქტიკაში გამოყენების უნარი;
• ლოგ-ფაილების ანალიზისა და სისტემური ხარვეზების დიაგნოსტირების საბაზისო უნარები;
• საბანკო ტექნოლოგიებთან მუშაობის გამოცდილება ჩაითვლება უპირატესობად;
• ინგლისური და რუსული ენების ცოდნა სულ მცირე B2;
• მულტიკულტურულ სამუშაო გარემოში ეფექტური კომუნიკაციისა და თანამშრომლობის უნარი;
• ანალიტიკური აზროვნება და პრობლემის სისტემურად გაანალიზების უნარი;
• დეტალებზე ორიენტირება და მაღალი პასუხისმგებლობის გრძნობა;
• დროის ეფექტური მართვისა და პრიორიტეტების განსაზღვრის უნარი.

ჩვენ გთავაზობთ:

• კვალიფიკაციის ამაღლებისა და პროფესიული განვითარების შესაძლებლობას;
• ჯანმრთელობის დაზღვევას;
• საკომუნიკაციო ხარჯების ანაზღაურებას საჭიროების შემთხვევაში;
• Fitpass ბარათს;

ვაკანსიის შესახებ დეტალური ინფორმაციის გასაცნობად და რეზიუმეს გადმოსაგზავნად გთხოვთ ეწვიოთ მოცემულ ბმულს:https://hel-ai.com/apply/OYQOlW7d
გისურვებთ წარმატებას!
გაცნობებთ, რომ ჩვენს ვაკანსიაზე თქვენი მონაცემების გამოგზავნით, "პერსონალურ მონაცემთა დაცვის შესახებ" საქართველოს კანონის შესაბამისად, აცხადებთ თანხმობას რომ შპს "ბს/2 ჯორჯია"-მ დაამუშაოს თქვენი პერსონალური მონაცემები ვაკანსიასთან შესაბამისობის დადგენის მიზნით. ამასთან, თქვენს მიერ გამოგზავნილი რეზიუმე შეიძლება განხილულ იქნას სხვა ვაკანტური პოზიციისთვის. თქვენი რეზიუმე შესაძლოა შენახული იქნას 1 წლის განმავლობაში.