კომპანია „ბი ჯგუფი“ 2017 წლიდან წარმატებით თანამშრომლობს საქართველოს ბაზარზე არსებულ ყველა სადაზღვევო კომპანიასთან. საქმიანობის ძირითადი მიმართულებაა სადაზღვევო ზარალების შეფასება (უძრავი ქონების, სასაქონლო მატერიალური მარაგების, ტვირთების, სამედიცინო დანადგარების, სპეც ტექნიკის, სპეც დანადგარების და ა.შ)

ბი ჯგუფი აცხადებს 3 თვიან ანაზღაურებად სტაჟირებას, დასაქმების პირობით - ზარალების ექსპერტ-შემფასებლის პოზიციაზე.
ვეძებთ პასუხისმგებლიან, დეტალებზე ორიენტირებულ და კომუნიკაბელურ კანდიდატს, რომელიც ჩაერთვება სადაზღვევო შემთხვევების შეფასების პროცესში და უზრუნველყოფს ზარალის ობიექტურ და ხარისხიან შეფასებას.

ადგილმდებარეობა - ქ. თბილისი, ლვოვის 95
სამუშაო საათები: მოქნილი გრაფიკი
ანაზღაურება: სტაჟირების პერიოდში (3 თვე) 500 ლარი ხელზე ასაღები, სტაჟირების შემდგომ განისაზღვრება ინდივიდუალურად 1,000 – 5,000 ლარამდე გამომუშავების მიხედვით.

სასურველი უნარები და გამოცდილება

• სამუშაოს დაგეგმვის, ორგანიზების, დროის მართვის უნარი;
• ინფორმაციის სწრაფად მოძიების, ანალიზისა და ლოგიკურად დაკავშირების უნარი;
• გამართული წერილობითი და ვერბალური კომუნიკაციის უნარი;
• რამდენიმე ამოცანაზე ერთდროულად მუშაობის უნარი;
• პროფესიული თვითგანვითარებისკენ სწრაფვის უნარი;
• კომპიუტერული უნარ-ჩვევები, MS Office პროგრამების ცოდნა;
• ორგანიზებულობა, პასუხისმგებლობის მაღალი გრძნობა;
• უცხო ენების ცოდნა (ჩაითვლება უპირატესობად);
• სასურველია კანდიდატს ჰქონდეს მართვის მოწმობა (A ან B კატეგორია)

უპირატესობა მიენიჭება კანდიდატებს, რომლებსაც აქვთ გამოცდილება ერთ ან რამდენიმე ქვემოთ ჩამოთვლილ სფეროში:

• სამშენებლო მასალების მაღაზიაში კონსულტანტად ან გაყიდვების მენეჯერად მუშაობის გამოცდილება;
• სარემონტო ან სამშენებლო სფეროში მუშაობის გამოცდილება;
• ინტერიერისა და სარემონტო სამუშაოების პრაქტიკული ცოდნა;
• მშენებლობის, არქიტექტურის ან საინჟინრო მიმართულებით მუშაობის გამოცდილება;
• ტექნიკური ინსპექტირების, ხარისხის კონტროლის ან შეფასების გამოცდილება;

ძირითადი მოვალეობები

• სადაზღვევო შემთხვევის ადგილზე ოპერატიული გასვლა.
• დაზიანებული ქონების (ბინა, კერძო სახლი, კომერციული ფართი, ტვირთი და სხვა ობიექტები) დეტალური დათვალიერება.
• დაზიანების მასშტაბისა და სავარაუდო მიზეზის პირველადი შეფასება.
• დაზიანებული ელემენტების სრული ფოტოდოკუმენტაციის მომზადება.
• ადგილზე არსებული გარემოებებისა და ფაქტობრივი მდგომარეობის ობიექტურად დაფიქსირება.
• შეფასებისთვის საჭირო დოკუმენტაციისა და ინფორმაციის შეგროვება.
• კომპანიის შიდა პროგრამაში ინფორმაციის, ფოტოების და მიღებული მონაცემების ატვირთვა.
• შეფასების დასკვნისთვის საჭირო მონაცემების მომზადება კომპანიის სტანდარტების შესაბამისად.

ვაკანსიის შესახებ დეტალური ინფორმაციის გასაცნობად და რეზიუმეს გადმოსაგზავნად გთხოვთ ეწვიოთ მოცემულ ბმულს: https://hel-ai.com/apply/LlCfTbvd

დაინტერესებულ პირებს გთხოვთ, გამოაგზავნოთ თქვენი რეზიუმე 2026 წლის 31 ივლისის ჩათვლით.