“თიბისი” აცხადებს ვაკანსიას თანამდებობაზე - იურისტი - საცალო და SME ბიზნესის მხარდაჭერის ქვე-განყოფილება

ადგილმდებარეობა: სათაო / იურიდიული შესაბამისობის და ოპერაციების განყოფილება - საცალო და SME ბიზნესის მხარდაჭერის ქვე-განყოფილება
მოქმედების ვადა: 06/09/2026
დასაქმების ტიპი: შრომითი ხელშეკრულება
სამუშაო გრაფიკი: სრული განაკვეთი

კომპანიის აღწერა
ჩვენ ვართ თიბისი - წამყვანი ფინანსური ინსტიტუტი რეგიონში, სადაც გამბედავი და მიზანსწრაფული გუნდი,ჩვენს მისიას ვასრულებთ და ადამიანების ცხოვრებას ვამარტივებთ.
ჩვენ ვადგენთ მომსახურების ახალ სტანდარტს მონაცემთა ანალიზის,ხელოვნური ინტელექტისა და ციფრული პროდუქტების გამოყენებით.
მხარს გიჭერთ განვითარებაში, მიზნების მიღწევასა და შენი წარმატების ისტორიის შექმნაში - მთავარია გჯეროდეს.

სამუშაოს აღწერა

• გაუწევ იურიდიულ მხარდაჭერას ბანკის საცალო და მცირე და საშუალო ბიზნესის მიმართულებებს, მათ შორის, მიმდინარე საქმიანობასთან, საბანკო პროდუქტებთან, მომსახურებებსა და ბიზნეს პროცესებთან დაკავშირებულ კომპლექსურ სამართლებრივ საკითხებზე;
• ჩაერთვები ახალი პროდუქტების, მომსახურებების, ციფრული გადაწყვეტებისა და ბიზნეს ინიციატივების შექმნისა და განვითარების პროცესში და უზრუნველყოფ მათ სამართლებრივ შეფასებას;
• მოამზადებ და განიხილავ ხელშეკრულებებს, მინდობილობებს, სამართლებრივ დასკვნებს, ოფიციალურ წერილებსა და სხვა იურიდიულ დოკუმენტებს;
• ჩაატარებ სამართლებრივ კვლევას, გააანალიზებ კანონმდებლობასა და რეგულატორულ მოთხოვნებს და შეაფასებ ბანკის საქმიანობის, პროდუქტებისა და პროცესების მათთან შესაბამისობას;
• ჩაერთვები მარეგულირებელ და სხვა უფლებამოსილ ორგანოებთან კომუნიკაციაში, მათ შორის, შესაბამისი სამართლებრივი პოზიციებისა და განმარტებების მომზადებაში;
• ითანამშრომლებ ბანკის სხვადასხვა გუნდთან სამართლებრივი რისკების იდენტიფიცირების, შეფასებისა და ბიზნესის საჭიროებებზე მორგებული პრაქტიკული სამართლებრივი გადაწყვეტების შემუშავების მიზნით.

კვალიფიკაცია

• სამართლის მაგისტრის ხარისხი (LL.M. ან მასთან გათანაბრებული ხარისხი) ან საერთაშორისო აღიარების მქონე უცხოური უნივერსიტეტის ბაკალავრის ხარისხი;
• საბანკო, საფინანსო ან FinTech სექტორში იურისტად მუშაობის 5 წელზე მეტი გამოცდილება;
• კერძო სამართლის, მათ შორის, საბანკო და ფინანსური კანონმდებლობის ღრმა ცოდნა და პრაქტიკაში გამოყენების გამოცდილება;
• შრომის სამართლის მიმართულებით ცოდნა და პრაქტიკული გამოცდილება, ასევე, სასამართლო დავების (Litigation) წარმოების ან მართვის გამოცდილება ჩაითვლება უპირატესობად;
• სამართლებრივი საკითხების დამოუკიდებლად კვლევის, ანალიზისა და მკაფიო, დასაბუთებული სამართლებრივი პოზიციის ჩამოყალიბების უნარი;
• კომპლექსური სამართლებრივი საკითხების ბიზნესის საჭიროებებთან დაკავშირებისა და პრაქტიკული, ეფექტური გადაწყვეტების მოძიების/შეთავაზების უნარი;
• ეფექტური კომუნიკაციის, თანამშრომლობისა და გუნდური მუშაობის უნარი;
• ინგლისური ენის თავისუფლად, პროფესიულ დონეზე ფლობა; სხვა უცხო ენების ცოდნა ჩაითვლება უპირატესობად;
• პასუხისმგებლობის მაღალი დონე, დეტალებზე ორიენტირებულობა და რამდენიმე განსხვავებულ საკითხზე პარალელურად, ეფექტურად მუშაობის უნარი;
• კარგი ანალიტიკური და პრობლემის გადაჭრის უნარები, დამოუკიდებლად გადაწყვეტილებების მიღებისა და კომპლექსური საკითხების მართვის უნარი;
• მზაობა AI ინსტრუმენტებისა და თანამედროვე ტექნოლოგიების გამოყენებისთვის, სიახლეებისადმი ღიაობა და ინოვაციური მიდგომა.