შპს „საქართველოს ფოსტა“ აცხადებს ვაკანსიას პოზიციაზე: ინსპექტორი საავიაციო ტერმინალში

ანაზღაურება - 1500 ლარი
სამუშაო ადგილი: თბილისის საერთაშორისო აეროპორტის მიმდებარე ტერიტორია
სამუშაო განრიგი: ცვლიანი განრიგი, 24 საათიანი ცვლა 3 დღეში ერთხელ დილის 10:00-დან მეორე დილის 10:00-მდე. 3 საათიანი შესვენება ცვლის განმავლობაში.

ძირითადი მოვალეობა:

• ტვირთის, მათ შორის სახიფათო ტვირთის, შემოწმება სკანერით (რენტგენული აპარატი);
• საავიაციო უსაფრთხოების ე.წ. სტერილურ ზონაში შესვლა/გამოსვლის კონტროლი: პირის, ხელბარგისა და ავტოსატრანსპორტო საშუალების შემოწმება, საშვის გაცემა;
• შემოწმებულ ტვირთზე სტიკერის/ბეჭდის დატანა, დოკუმენტაციის შევსება და მონაცემების ჟურნალში/სისტემაში ასახვა;
• შეუსაბამობების შესახებ ხელმძღვანელის ინფორმირება;
• შემოწმებული და დასაშვებად მიჩნეული ტვირთის საჰაერო ხომალდზე განთავსების პროცესის ზედამხედველობა;
• ტერმინალის პერიმეტრის პერიოდული შემოწმება და საბაჟო რეჟიმის დაცულობის უზრუნველყოფა.

საკვალიფიკაციო მოთხოვნები და უნარ-ჩვევები:

• სასურველია უმაღლესი განათლება ნებისმიერი პროფილით
• სასურველია 6 თვიანი გამოცდილება საავიაციო უშიშროებაში
• სასურველია B კატეგორიის მართვის მოწმობა

დაინტერესების შემთხვევაში, შეავსეთ განაცხადი, ატვირთეთ CV და დააჭირეთ ღილაკს „გაგზავნა“: https://www.gpost.ge/info/career-application-form?vacancyId=2973

ვაკანსიის შესახებ განაცხადის საპასუხოდ დასაქმების კანდიდატის მიერ მოთხოვნილი ინფორმაციის შპს „საქართველოს ფოსტისთვის“ გადაცემით, დასაქმების კანდიდატი აცხადებს თანხმობას, შპს „საქართველოს ფოსტამ“ დაამუშაოს მისთვის მიწოდებული პერსონალური მონაცემები დასაქმების კანდიდატის არსებული ან/და სამომავლო ვაკანსიის საკვალიფიკაციო მოთხოვნებთან შესაბამისობისა და კონკრეტული სამუშაოს შესრულების შესაძლებლობის შეფასების, აგრეთვე შესაბამისი გადაწყვეტილების მიღების მიზნით. ამასთან, დასაქმების კანდიდატი თანახმაა, მის მიერ შპს „საქართველოს ფოსტისთვის“ ვაკანსიის შესახებ განცხადების გამოქვეყნებისა და შერჩევის ეტაპზე გადაცემული პერსონალური მონაცემები შპს „საქართველოს ფოსტამ“ შეინახოს არაუმეტეს 1 (ერთი) წლის ვადით.

დასაქმების კანდიდატის მიერ „პერსონალური მონაცემების დაცვის შესახებ“ საქართველოს კანონით მისთვის მინიჭებული უფლებებით (მონაცემთა დამუშავების შესახებ ინფორმაციის მიღების, მონაცემთა გაცნობისა და ასლის მიღების, გასწორების, განახლებისა და შევსების, დამუშავების შეწყვეტის, წაშლის ან განადგურების, აგრეთვე დაბლოკვის უფლებები) სარგებლობისათვის, დასაქმების კანდიდატმა შესაბამისი მოთხოვნა უნდა გამოაგზავნოს შპს „საქართველოს ფოსტის“ შემდეგ ელ. ფოსტის მისამართზე: vacancy@gpost.ge.