გაქვს ორგანიზების ნიჭი, გიყვარს ესთეტიკა, დეტალები და გინდა იყო პოდკასტ-სტუდიის მყუდრო აურისა და გულისცემის ნაწილი?

თუ შენთვის ოფისი არ არის უბრალოდ ოთახი კომპიუტერებით, არამედ სივრცე, სადაც საინტერესო ადამიანები იკრიბებიან და პროექტები იბადება - ეს შეთავაზება შენთვისაა. ჩვენ ვეძებთ ცნობისმოყვარე, ენერგიულ და დისციპლინირებულ ადამიანს, ვისთვისაც ეს საქმე არა მხოლოდ სამსახური, არამედ ინტერესის სფერო და თავგადასავალი იქნება.

რას გააკეთებ შენს ყოველდღიურობაში:

• სამუშაო გარემო და აურა: შეინარჩუნებ ოფისში წესრიგს, სისუფთავესა და იმ მყუდრო, კომფორტულ აურას, სადაც მუშაობა სიამოვნებაა.

• მარაგები და კომფორტი: გააკონტროლებ საკანცელარიო ნივთების, ჰიგიენისა და სამზარეულოს მარაგებს (ყავა, ჩაი, წყალი, სასუსნაოები), რომ სტუდია ყოველთვის მზად იყოს სტუმრების მისაღებად.

• კომუნიკაცია და სტუმრები: დახვდები ჩვენს სტუმრებსა და პოდკასტის მონაწილეებს თბილი ღიმილით, ყავით და კომფორტული გარემოთი.