კომპანია “კრეატური” აცხადებს ვაკანსიას ტურის პრეზენტატორის პოზიციაზე.
“კრეატური” (CreaTour World) არის სტარტაპი ბიზნესი, რომელიც ჩაფიქრებულია იყოს ჯგუფური თემატური ტურ-პროექტი და იმუშაოს 30 კაციან ტურისტულ ჯგუფებზე ევროპიდან და სხვა წამყვანი ბაზრებიდან. ჩვენი მიზანია, რომ ტურები გახდნენ რეგულარული (ორ-სამჯერ და ზემოთ კვირაში).
7 დღიანი ტური ორიენტირებული იქნება დასავლეთ საქართველოზე და დაგეგმილია შეიცავდეს მთავარ თემებს, როგორიცაა კულინარია სამეგრელოში, ბუნება-კულტურა სვანეთში, ქართული ფოლკლორი (ცეკვა და სიმღერა) ქუთაისში, ღვინო რაჭაში. პროგრამას ასევე გამყოლ ხაზად ექნება ქვეყნის და ხალხის ისტორია და კულტურა ყველა ამ ლოკაციაში.
ჩვენ მიზანია სიღრმისეული, შინაარსობრივად თუ შესრულების მხრივ დახვეწილი მაღალი დონის ტურების შედგენა ზემოთ ხსენებული თემების და ადგილების მიხედვით.
ეს იქნება ნიშა ტურიზმის მიმართულება ორიენტირებული კულტურული და შემეცნებითი ინტერესის მქონე ტურისტებზე და გადამწყვეტი მნიშვნელობა აქვს იმას თუ რა შთაბეჭდილება შეიქმნება და როგორ წარმოაჩენს ტური იმ საგანძურს, როგორიცაა ქართული სამზარეულო, ღვინო, კულტურა და ხელოვნება და ხელს შეუწყობს მსოფლიო აღიარების და პოპულარულობის საქმეში, რომელსაც ყველა ეს სფერო ნამდვილად უდაოდ იმსახურებს.
შესაბამისად, პროექტის მიზანია, რომ ეს ტური იყოს მაქსიმალურად მომზადებული და მაღალ დონეზე შესრულებული, რისთვისაც ტურ-პრეზენტატორის როლი იქნება ძალიან მნიშვნელოვანი.
ჩვენი სურვილია ვითანამშრომლოთ ინდივიდუალურ ტურ-პრეზენტატორებთან კონკრეტულ ლოკაციებში (კულინარია სამეგრელოში, ბუნება-კულტურა სვანეთში, ქართული ფოლკლორი (ცეკვა და სიმღერა) ქუთაისში, ღვინო რაჭაში), რაც მოითხოვს კანდიდატისგან რომელიმე შერჩეულ ლოკაციაში რეგულარ ვიზიტებს და შესაძლოა დარჩენებსაც (თუკი, რა თქმა უნდა, კანდიდატი თავად ამ ლოკაციაში დაფუძნებული არ იქნება).
ჩვენ ამჟამად ვამუშავებთ ჩვენივე პროგრამებს თითოეულ თემაში, შეგვეძლება ტურის პროგრამის და კონტენტის გაზიარება და პრეზენტაციის მომზადებაშიც ჩართულები ვიქნებით კანდიდატთან ერთად.
გამოცდილება (აკადემიური თუ პროფესიული) და უმაღლესი განათლება, რა თქმა უნდა, იქნება ხელშემწყობი ფაქტორი, თუმცა, უპირველეს ყოვლისა, კანდიდატს ექნება ძლიერი კომუნიკაბელურობის და გადმოცემის უნარი და ინგლისური ან რუსული ენის სრულყოფილი ცოდნა, რამდენადაც ტურები ინგლისურ ან რუსულ ენაზე ჩატარდება.
ასევე უმნიშვნელოვანესია დადებითი განწყობა, ენთუზიაზმი და ინტერესი როლის მიმართ.
სასურველია, რომ როლი იყოს მუდმივი და ბუნებრივად გაიზარდოს პროექტის განვითარების პარალელურად.
სამუშაო გრაფიკი შეთანხმებადია,შესაძლოა იყოს როგორც სრული,ასევე არასრული.
კანდიდატები გვესაჭიროება საქართველოს სხვადასხვა კუთხიდან.
საწყის ანაზღაურებად გათვისწინებულია 2,000 ლარი თვეში ან 170 ლარი ნამუშევარ დღეში, რომლის წარმატების შემთხვევაში ზრდის პერსპექტივით და მაღალი ბონუსების პოტენციალით.
დაინტერესებულ პირებს შეუძლიათ მიმართვა და CV გამოაგზავნონ იმეილით- info@CreaTour.World
შერჩეულ კანდიდატებს დავეკონტაქტებით.