თბილისში, სასტუმრო აპარტამენტებისა და რესტორნის პროექტისთვის, ვეძებთ გამოცდილ არქიტექტორ-დიზაინერს ან საპროექტო გუნდს, რომელიც იმუშავებს სივრცეების გადაგეგმარებაზე, ინტერიერის დიზაინსა და პროექტის განხორციელების პროცესში ავტორულ ზედამხედველობაზე.

პროექტის შესახებ
არსებული სივრცეები საჭიროებს გადაგეგმარებასა და ფუნქციური განაწილების გაუმჯობესებას. შესაბამისად, არქიტექტორის ჩართულობა აუცილებელია საწყისი ეტაპიდან, რათა გეგმარებითი და ინტერიერის დიზაინის გადაწყვეტილებები ერთიანად დამუშავდეს.

მიზანია სასტუმრო აპარტამენტების დაგეგმარებისა და მოწყობის სტანდარტების შესაბამისი, ესთეტიკურად გამართული, კომფორტული და ფუნქციური სივრცეების შექმნა, სასტუმროსა და რესტორნის ყოველდღიური მუშაობის სპეციფიკის გათვალისწინებით.

სამუშაოს ძირითადი მიმართულებები

• ფუნქციური გეგმარება: არსებული სივრცეების შეფასება, გადაგეგმარების ვარიანტების შემუშავება, ზონირება და ავეჯისა თუ მოწყობილობების განლაგება. სტუმრებისა და პერსონალის გადაადგილების გათვალისწინება.
• დიზაინის კონცეფცია: ინტერიერის სტილისტიკის, ფერების, მასალების, ავეჯისა და განათების ერთიანი კონცეფციის შემუშავება.
• 3D ვიზუალიზაციები: შეთანხმებული გეგმარებისა და კონცეფციის საფუძველზე სივრცეების ვიზუალიზაციების მომზადება.
• სამუშაო ნახაზები: პროექტის განსახორციელებლად საჭირო დეტალური დოკუმენტაციის მომზადება — გეგმარება, იატაკისა და ჭერის გეგმები, კედლების განშლები, ავეჯის განლაგება და შესაბამისი დეტალები.
• სპეციფიკაციები: მოსაპირკეთებელი მასალების, ავეჯისა და სანათების შერჩევა და ჩამონათვალების მომზადება; საჭიროების შემთხვევაში შესაბამისი ალტერნატივების შეთავაზება.
• კოორდინაცია: არქიტექტურულ და საინჟინრო ნაწილებთან დიზაინის შეთანხმება, ინჟინრებთან და სამუშაოების შემსრულებლებთან თანამშრომლობა.
• ავტორული ზედამხედველობა: ობიექტზე პერიოდული ვიზიტები, შესრულებული სამუშაოების შეთანხმებულ დიზაინთან შესაბამისობის შემოწმება და განხორციელებისას წარმოშობილ საკითხებზე რეკომენდაციების მომზადება.

ძირითადი მოთხოვნები

• სასტუმროებისა და რესტორნების ინტერიერის დიზაინზე მუშაობის გამოცდილება.
• განხორციელებული პროექტების პორტფოლიო და რეალური ფოტოები, კანდიდატის ან გუნდის მიერ შესრულებული სამუშაოს მითითებით.
• სრული დიზაინპროექტისა და დეტალური სამუშაო დოკუმენტაციის მომზადების გამოცდილება.
• გამძლე, პრაქტიკული და მარტივად მოსავლელი მასალების შერჩევის უნარი.
• შეთანხმებული ბიუჯეტისა და ვადების ფარგლებში მუშაობა და პროექტის მონაწილეებთან ეფექტიანი კომუნიკაცია.
• სარემონტო სამუშაოების განხორციელება

სასურველია, გუნდს ჰყავდეს საკუთარი გამოცდილი სარემონტო ბრიგადა..

განაცხადის გამოგზავნა
დაინტერესების შემთხვევაში, გამოგვიგზავნეთ:
პორტფოლიო — განსაკუთრებით სასტუმროებისა და რესტორნების პროექტები;
მოკლე ინფორმაცია თქვენი ან თქვენი გუნდის გამოცდილებისა და შემადგენლობის შესახებ;
სამუშაოს დეტალური მოცულობა, თანამშრომლობის პირობები, ვადები და ანაზღაურება შეთანხმდება პროექტის გაცნობის შემდეგ.

წერილის თემაში მიუთითეთ: „არქიტექტურა და ინტერიერის დიზაინი“.