პროექტის მენეჯერი / ბრიგადირი

შპს "კომბესტ ჯორჯია" აცხადებს ვაკანსიას პროექტის მენეჯერის (ბრიგადირის) პოზიციაზე, მაღალი ანაზღაურებით.

საკვალიფიკაციო მოთხოვნები:

უმაღლესი ან პროფესიული ტექნიკური განათლება;
მინიმუმ 2 წლიანი პრაქტიკული გამოცდილება სამშენებლო ან ინფრასტრუქტურულ პროექტებში (უპირატესობა მიენიჭება წყალარინებისა და კომუნიკაციების მიმართულებით გამოცდილებას);
გუნდის მართვის გამოცდილება;
მშენებლობის პროცესებისა და დოკუმენტაციის ზოგადი ცოდნა;
ქართული ენის სრულყოფილად ცოდნა, სასურველია რუსული ან ინგლისური ენის საბაზისო დონე;
საოფისე პროგრამების საბაზისო ცოდნა (Excel, Word);
B კატეგორიის მართვის მოწმობა.

პიროვნული თვისებები:

ორგანიზებულობა და პასუხისმგებლიანობა;
ზუსტი და სწრაფი რეაგირება პრობლემურ სიტუაციებზე;
გუნდის ხელმძღვანელობის უნარი;
დროის ეფექტური მართვის უნარი;
კომუნიკაბელურობა და სამუშაო პროცესზე ორიენტირებულობა.

ძირითადი მოვალეობები:

სამშენებლო სამუშაოების ორგანიზება და მიმდინარე პროცესის ყოველდღიური მონიტორინგი;
ბრიგადის საქმიანობის კოორდინაცია და ამოცანების განაწილება;
სამუშაო გრაფიკებისა და ეტაპების კონტროლი;
მასალებისა და ტექნიკის დროული მიღება და ეფექტური გამოყენება;
უსაფრთხოების წესების დაცვა ობიექტზე;
ზედამხედველობა შესრულებულ სამუშაოებზე და ხარისხის კონტროლი;
საჭიროების შემთხვევაში კომუნიკაცია დამკვეთთან ან ზედამხედველ ინჟინერთან;
დღიური/კვირეული რეპორტების მიწოდება ხელმძღვანელობასთან.

განაცხადის წარდგენა:
დაინტერესებულმა პირებმა, გთხოვთ, გამოაგზავნოთ თქვენი CV ფოტოსურათით შემდეგ ელფოსტაზე: kombestservice@gmail.com
აუცილებელია ვაკანსიის პოზიციის მითითება წერილში!
წინააღმდეგ შემთხვევაში, განაცხადი არ განიხილება.

ტელ: +995577688867

დამატებითი დეტალები და ანაზღაურება განიხილება გასაუბრებაზე.
დავუკავშირდებით მხოლოდ შერჩეულ კანდიდატებს.

გისურვებთ წარმატებას!

შპს „კომბესტ ჯორჯია“ სპეციალიზდება წყალმომარაგებისა და წყალარინების სისტემების რეაბილიტაციასა და შეცვლაში, თანამედროვე გადათხრის გარეშე ტექნოლოგიების გამოყენებით.

ჩვენი მიზანია მიწის ზედაპირის მინიმალური დარღვევით, ქალაქის ინფრასტრუქტურის და მოსახლეობის კომფორტის დაცვის პირობებში, მაქსიმალურად სწრაფად და ეფექტიანად განვახორციელოთ ქსელების შეცვლა და გამართვა.

სერვისები და ტექნოლოგიები
ჩვენ ვიყენებთ შემდეგ ტექნოლოგიებს:

Pipe Bursting – ძველი მილსადენის გატეხვით და ახლის ჩასმით;
Relining / Sliplining – ახალი მილის ძველში შეყვანის მეთოდი;
Directional Drilling – ჰორიზონტალური მიკროტანვალია ახალი მილსადენისთვის;
Spot Repair – ლოკალური დაზიანების აღდგენა მინიმალური ჩარევით.

მომსახურების ძირითადი მიმართულებები

წყალარინების და წყალმომარაგების სისტემების რეაბილიტაცია;
მილსადენების შეცვლა დიამეტრის გაზრდით;
დაზიანებული მონაკვეთების მექანიკური ან ჰიდრავლიკური გაწმენდა;
კოლექტორების და ჭების მოწყობა/აღდგენა;
მილის მონტაჟი კომპრესიული, ხრახნიანი ან შედუღების გზით;
ლოჯისტიკური უზრუნველყოფა და ტექნიკური კონსულტაცია.

უპირატესობები

მუშაობის სისწრაფე — სამუშაოების უმრავლესობა სრულდება 1-2 დღეში;
მინიმალური დისკომფორტი მოსახლეობისთვის — გზების და საფარის დაზიანების გარეშე;
დაზოგილი ხარჯები — არ არის საჭირო ასფალტის მოხსნა, ტრანსპორტირება და აღდგენა;
ეკოლოგიურად უსაფრთხო მიდგომა;
თანამედროვე საერთაშორისო სტანდარტებზე დაფუძნებული შესრულება.

სად ვმუშაობთ
შპს „კომბესტ ჯორჯია“ წარმატებით ახორციელებს პროექტებს თბილისის, რუსთავის, ქუთაისისა და სხვა ქალაქების მასშტაბით, როგორც საჯარო, ისე კერძო დაკვეთით.