Concept STAR არის პროგრესული ლუქს კლასის სივრცე, სადაც თანამშრომლობისა და ცნობისმოყვარეობის მეშვეობით ჩვენ ვაყენებთ მაღალ მიზნებს და ვისწრაფვით სრულყოფისკენ. ჩვენ ვაფასებთ თითოეული თანამშრომლის წვლილს და მივესალმებით უკუკავშირს, რათა განვვითარდეთ როგორც პიროვნულად, ასევე პროფესიულად. ჩვენ ვცდილობთ შევამციროთ გარემოზე ჩვენი ოპერაციების გავლენა და პასუხისმგებლობით მოვეკიდოთ სოციალურ გამოწვევებს ჩვენს საქმიანობაში.
Concept STAR-ში კლიენტთა მრჩევლის (Client Advisor) პოზიციაზე თქვენ იმუშავებთ გუნდთან ერთად, მხარს დაუჭერთ მიზანს — გააღრმავოთ და განავითაროთ მომხმარებელთან ურთიერთობები, სადაც თქვენი სოციალური და გაყიდვების უნარები იქნება მთავარი ღირებულება.

თანამშრომლობის კულტურა
ჩვენ მტკიცედ გვჯერა, რომ როდესაც თანამშრომელი გრძნობს მხარდაჭერას, ჩართულობასა და ნდობას, მას შეუძლია არა მხოლოდ სიამოვნებით იმუშაოს, არამედ წარმატებასაც მიაღწიოს. თქვენ გახდებით მრავალფეროვანი გამოცდილების მქონე კოლეგების გუნდის ნაწილი, სადაც თითოეულს აქვს უნიკალური უნარები და გამოცდილება.

რა იქნება თქვენი პასუხისმგებლობა

• როგორც Concept STAR-ის კლიენტთა მრჩეველმა, თქვენ უნდა იყოთ ბრენდის ფილოსოფიისა და ღირებულებების „ელჩი“.
თქვენ პასუხს აგებთ გაყიდვების მაქსიმიზაციაზე მომხმარებელთან ურთიერთობის გაღრმავებისა და ბრენდის ერთგულების განვითარების გზით, მაღაზიაში უნიკალური გამოცდილების შეთავაზებით და კლიენტის ჩვენი სამყაროში ჩათრევით.
ყოველთვის უზრუნველყოთ მომხმარებლის გამორჩეული მიღება და მომსახურება მაღაზიაში.
• ინდივიდუალური მიდგომის საფუძველზე, CRM და ციფრული ინსტრუმენტების გამოყენებით, შეინარჩუნოთ და განავითაროთ კლიენტებთან ურთიერთობები.
• აქტიურად ჩაერთოთ ყველა დეპარტამენტთან კროს-გაყიდვებში და მაქსიმალურად გამოიყენოთ გაყიდვების შესაძლებლობები, რათა მიაღწიოთ პირად გაყიდვების მიზნებს და KPI-ს.
• მუდამ იყოთ საქმის კურსში მოდის ტენდენციებისა და კონკურენტების შესახებ.
• ფლობდეთ ბრენდისა და პროდუქტის ცოდნას.
• საჭიროების შემთხვევაში, მენეჯერთან ერთად ეფექტურად მოაგვაროთ მომხმარებლის პრეტენზიები.
• მაღაზიაში და ვიზუალური ვიტრინების წარმოდგენაში შეინარჩუნოთ მაღალი სტანდარტი, შეასრულოთ კომპანიის ოპერაციული მითითებები და საწყობის პროცედურები.
• უზრუნველყოთ მაღალ დონეზე უსაფრთხოება და ყურადღებით იმოქმედოთ პროდუქტის ქურდობის პრევენციის მიზნით.

ვინ ხართ თქვენ

• თქვენ გაქვთ მაღალი მისწრაფებები და დეტალებზე ყურადღება, რომელიც დიდ გავლენას ახდენს შედეგზე. გიყვართ ლიდერობა, გუნდური მუშაობა და უკუკავშირის მიღება თქვენი და სხვების განვითარების მიზნით. ხართ ცნობისმოყვარე და თავს კომფორტულად გრძნობთ დინამიკურ გარემოში. თანამშრომლობა, პატივისცემა და ნათელი კომუნიკაცია თქვენთვის მნიშვნელოვანია, ისევე როგორც სწავლასა და განვითარებაზე ორიენტაცია.

ამ როლისათვის საჭირო პიროვნული თვისებები:

• მომხმარებელზე ორიენტირებული აზროვნება და მომხმარებლის საჭიროებების ზუსტი განსაზღვრისა და მათი შესანიშნავ მომსახურებად გარდაქმნის უნარი.
• პასუხისმგებლობების პრიორიტეტიზაციის, ამოცანების გადანაწილებისა და დეტალებზე ყურადღების შენარჩუნების უნარი.
• გაყიდვების ტექნიკების, პროდუქტის ცოდნისა და ვიზუალური მერჩენდაიზინგის ცოდნა.
• ამ როლისათვის სასურველი გამოცდილება და ცოდნა:
• ადამიანებთან ურთიერთობისა და გაყიდვებისადმი ვნება.
• პრობლემების გადაჭრის უნარი, ცნობისმოყვარეობა და ინტერესი ლუქს/მოდის, ხელოვნებისა და დიზაინის სფეროში.
• კლიენტებთან ხანგრძლივი ურთიერთობების აგების გამოცდილება.
• გუნდში და დამოუკიდებლად მუშაობის უნარი.
• კომუნიკაციისა და ადამიანებთან ურთიერთობის შესანიშნავი უნარები.
• პროდუქტის კატეგორიისადმი ვნება და ცოდნა.
• ინგლისური ენის თავისუფლად ფლობა (დამატებითი ენები უპირატესობად ჩაითვლება).
• ჩვენთვის უმთავრესია არა მხოლოდ ჩამოთვლილი უნარებისა და ცოდნის სრულყოფილად ფლობა, არამედ თითოეული ადამიანის პოტენციალის დაფასება. ჩვენ ვიღებთ მრავალფეროვნებას, როგორც ადამიანების, ისე იდეებისა და შეხედულებების, და ვახალისებთ თითოეულის უნიკალურ თვითგამოხატვას.
ამ პოზიციაზე შესაძლოა ჩატარდეს კანდიდატის წარსულის შემოწმება.

ვინ ვართ ჩვენ
Concept STAR არის თბილისში დაფუძნებული კონცეპტუალური მაღაზია მრავალდისციპლინური მიდგომით. ფოტოგრაფიის, ხელოვნების, არქიტექტურისა და თანამედროვე კულტურის მიმართ ინტერესის საფუძველზე. ჩვენ შევქმენით ალტერნატიული გზა, რომლითაც ჩვენი მაღაზია გადაიქცა სანდო სივრცედ, რომელიც გთავაზობთ მრავალფეროვან არჩევანს მსოფლიო ბრენდებში.

დაინტერესებულ პირებს გთხოვთ გამოეხმაუროთ განცხადებას „გაგზავნე CV“ ღილაკის საშუალებით.