გეფა აცხადებს ვაკანსიას პოზიციაზე - ბრენდ მენეჯერი (დერმო-კოსმეტიკისა და საკვები დანამატების მიმართულება),

ჩვენ ვეძებთ გამორჩეული ხედვის მქონე პროფესიონალს, რომელიც დერმო-კოსმეტიკისა და საკვები დანამატების მიმართულებით ჩვენი ბრენდების სტრატეგიულ მართვასა და განვითარებაში ჩაერთვება. თუ თქვენ გაქვთ ამბიცია, შექმნათ წარმატების ისტორია საერთაშორისო ბრენდებისთვის, ეს პოზიცია თქვენთვისაა.

თქვენი როლი და მისია

• ბრენდ მენეჯერი ჩვენს კომპანიაში არის საკვანძო ფიგურა, რომელიც პასუხისმგებელია ბრენდის პოზიციონირებაზე, გრძელვადიან ზრდასა და მომხმარებელთან (როგორც ენდ-იუზერებთან, ისე სამედიცინო სფეროს წარმომადგენლებთან) ეფექტურ კომუნიკაციაზე.

ძირითადი ფუნქცია-მოვალეობები:

• სტრატეგიული მართვა: ბრენდების განვითარების გრძელვადიანი ხედვისა და მარკეტინგული სტრატეგიის შემუშავება/იმპლემენტაცია.
• ანალიტიკა და მონიტორინგი: გაყიდვების დინამიკის, ბაზრის ტენდენციებისა და კონკურენტული გარემოს მუდმივი ანალიზი.
• მარკეტინგული კამპანიები: 360-გრადუსიანი მარკეტინგული აქტივობების (Digital & Offline) დაგეგმვა და მართვა ცნობადობისა და ჩართულობის გასაზრდელად.
• პროფესიული კომუნიკაცია: ექიმებთან, ფარმაცევტებთან და დარგის ექსპერტებთან სამუშაო შეხვედრებისა და პრეზენტაციების ორგანიზება.
• საოპერაციო ეფექტურობა: მარაგების მართვა, შეკვეთების ვადაში შესრულების კონტროლი და ფინანსური მაჩვენებლების ანალიზი.
• ქსელის მხარდაჭერა: აფთიაქების რეგულარული ვიზიტი, კონსულტანტებისთვის ტრენინგების ჩატარება და ბრენდის ფილოსოფიის გაზიარება.

საკვალიფიკაციო მოთხოვნები

• განათლება: უმაღლესი განათლება ბიზნესის ადმინისტრირების, მარკეტინგის ან ფარმაციის მიმართულებით;
• გამოცდილება: მინიმუმ 1-წლიანი სამუშაო გამოცდილება ბრენდ ან კატეგორიის მენეჯერის პოზიციაზე (პრიორიტეტი მიენიჭება Beauty Retail, Dermo-cosmetics ან FMCG Personal Care სექტორს);
• ენები: ინგლისური და რუსული ენების მაღალ დონეზე ფლობა; დამატებითი ევროპული ენების (ფრანგული, გერმანული ან იტალიური) ცოდნა ჩაითვლება მნიშვნელოვან უპირატესობად;
• ტექნიკური უნარები: Digital მარკეტინგის, სოციალური მედიისა და E-commerce პლატფორმების მუშაობის პრინციპების საფუძვლიანი ცოდნა.

პროფესიული კომპეტენციები

• სტრატეგიული და ანალიტიკური აზროვნება: მონაცემთა ანალიზის საფუძველზე დასაბუთებული გადაწყვეტილებების მიღებისა და პროცესების ლოგიკური მართვის უნარი.
• ეფექტური კომუნიკაცია: საერთაშორისო პარტნიორებთან მოლაპარაკებების წარმოების და გრძელვადიანი თანამშრომლობის განვითარების უნარი.
• მართვა და ორგანიზება: სამუშაო პროცესების მაღალორგანიზებული მართვა, პრიორიტეტების სწორი განსაზღვრა და ვადების (Deadlines) მკაცრი კონტროლი.
• ავტონომიურობა და პასუხისმგებლობა: პროცესების დამოუკიდებლად მართვისა და საკუთარ სამუშაო არეალზე სრული პასუხისმგებლობის აღების უნარი;
• ადაპტაცია და ინოვაცია: დინამიურ გარემოში სწრაფი ორიენტაციისა და ახალი, ინოვაციური მიდგომების დანერგვის მზაობა;
• დეტალებზე ორიენტირებულობა და მაღალი აკურატულობა.

რას გთავაზობთ ჩვენ?

• პროფესიულ განვითარებას საერთაშორისო დონის პორტფოლიოსთან მუშაობისას;
• დინამიურ და გუნდურ სამუშაო გარემოს;
• კონკურენტუნარიან ანაზღაურებასა და სამოტივაციო პაკეტს.