“თიბისი” აცხადებს ვაკანსიას თანამდებობაზე - შეფასების ავტორიზების მენეჯერი

ადგილმდებარეობა: სათაო / უზრუნველყოფის მართვის და შეფასების განყოფილება
მოქმედების ვადა: 01/09/2026
დასაქმების ტიპი: დროებითი ხელშეკრულება
სამუშაო გრაფიკი: სრული განაკვეთი

კომპანიის აღწერა
ჩვენ ვართ თიბისი წამყვანი ფინანსური ინსტიტუტი რეგიონში, სადაც გამბედავი და მიზანსწრაფული გუნდი, ჩვენს მისიას ვასრულებთ და ადამიანების ცხოვრებას ვამარტივებთ.

ჩვენ ვადგენთ მომსახურების ახალ სტანდარტს მონაცემთა ანალიზის,ხელოვნური ინტელექტისა და ციფრული პროდუქტების გამოყენებით.

მხარს გიჭერთ განვითარებაში, მიზნების მიღწევასა და შენი წარმატების ისტორიის შექმნაში - მთავარია გჯეროდეს.

სამუშაოს აღწერა
პოზიციის მიზანი:

• უზრუნველყოს კონტრაქტორი საშემფასებლო კომპანიების მიერ მომზადებული შეფასების დასკვნების ხარისხის კონტროლი, შეფასების საერთაშორისო სტანდარტებთან (IVS) და ეროვნული ბანკის რეგულაციასთან შესაბამისობა, შიდა ნორმატიულ დოკუმენტებთან შესაბამისობა, ასევე შეფასებების რევიზიის პროცესის ეფექტიანი მართვა და SLA-ების შესრულების კონტროლი. სამუშაოს აღწერილობა:
• კონტრაქტორი საშემფასებლო კომპანიების მიერ მომზადებული შეფასების დასკვნების რევიზიისა და ავტორიზაციის განხორციელება.
• შეფასების დასკვნების შესაბამისობის შემოწმება შეფასების საერთაშორისო სტანდარტებთან (IVS), ეროვნული ბანკის რეგულაციასთან და შიდა ნორმატიულ დოკუმენტებთან. კლასიფიცირება და კორექტირების მიზნით საშემფასებლო კომპანიებისთვის უკუკავშირის მიწოდება.
• ავტორიზაციის პროცესის SLA-ების შესრულების კონტროლი და ვადების დაცვა.
• შეფასებების ხარისხის მონიტორინგი, განმეორებადი ხარვეზების ანალიზი და მათი შემცირების მიზნით რეკომენდაციების მომზადება.
• არასტანდარტული და კომპლექსური შეფასებების განხილვაში მონაწილეობა.
• საჭიროების შემთხვევაში საშემფასებლო კომპანიებთან, ბანკის ბიზნეს და რისკის ერთეულებთან პროფესიული კომუნიკაციის წარმართვა შეფასებასთან დაკავშირებულ საკითხებზე.
• შეფასების პროცესის, მეთოდოლოგიისა და სისტემური ფუნქციონალის გაუმჯობესების ინიციატივების შემუშავებასა და განხორციელებაში მონაწილეობა.

კვალიფიკაცია:

• უმაღლესი განათლება ბიზნესის/ეკონომიკის მიმართულებით;
• საშემფასებლო საქმიანობის გამოცდილება (მინიმუმ 3 წელი);
• რეპორტინგის და ანალიზის მიმართულებით გამოცდილება;
• უძრავი ქონების შემფასებლის სერტიფიკატი (აგრეთვე, მოძრავი და ბიზნესის შეფასების სერთიფიკატების ქონა ჩაითვლება უპირატესობად);
• საბანკო სფეროში მუშაობის გამოცდილება ჩაითვლება უპირატესობად;
• სასურველია ინგლისური ენის მაღალ დონეზე ცოდნა;
• AI ინსტრუმენტებთან და თანამედროვე ტექნოლოგიებთან მუშაობის მზაობა

დამატებითი ინფორმაცია
თიბისი ვაკანსიაზე კანდიდატის შესაბამისობის დადგენის მიზნით, კანდიდატის პერსონალურ მონაცემებს "პერსონალურ მონაცემთა დაცვის შესახებ" საქართველოს კანონის მოთხოვნების შესაბამისად ამუშავებს. ინფორმაცია კანდიდატის შესახებ, ასევე, შეიძლება დამუშავდეს სამომავლო ვაკანსიაზე კანდიდატის შესაბამისობის დადგენის მიზნით. ინფორმაცია კანდიდატის შესახებ ინახება არაუმეტეს 3 წლის ვადით. იმ შემთხვევაში, თუ არ გსურს მონაცემთა შემდგომი დამუშავება და გსურს მონაცემთა ცვლილება ან წაშლა, გთხოვ, მოგვმართე ბმულზე და დაგვიკავშირდი ამავე ბმულზე განთავსებული საკომუნიკაციო არხების საშუალებით: კონფიდენციალურობა - TBC Bank

თიბისი, თქვენს ინფორმაციას თიბისი ჯგუფში (TBC Bank Group PLC) შემავალ კომპანიებსაც უზიარებს. შვილობილი კომპანიებიც უზრუნველყოფენ პერსონალურ მონაცემთა დამუშავებას კანონმდებლობით გათვალისწინებული წესით. იმ შემთხვევაში, თუ არ გსურს მონაცემების თიბისი ჯგუფში შემავალი კომპანიებისთვის გაზიარება, მოგვმართეთ იგივე ბმულზე: კონფიდენციალურობა - TBC Bank

თიბისიში კანდიდატთა შერჩევის პროცესი “დისკრიმინაციის ყველა ფორმით აღმოფხვრის შესახებ” კანონის მოთხოვნებისა და პირთა მიმართ თანაბარი მოპყრობის პრინციპების შესაბამისია, რაც გამორიცხავს პირთა მიმართ დისკრიმინაციას ნებისმიერი ნიშნით. თუ შენ მიმართ დისკრიმინაციული მოპყრობის ნიშნებს ხედავ, შენ შეგიძლია დააფიქსირო შემთხვევა და იყო დარწმუნებული, რომ შეტყობინებას აუცილებლად მოჰყვება რეაგირება. თიბისიში შეგიძლია, შენი ხმა სხვადასხვა საკომუნიკაციო არხით გააჟღერო და ინციდენტი სრულად ანონიმურად ან ღიად დააფიქსირო

განაცხადის შესატანად, გთხოვთ მიჰყვეთ ბმულს: https://smrtr.io/zRvZR